ইউক্ৰেইনত বনজুই : ঘটনাস্থলীত উপস্থিত ৰাষ্ট্ৰপতি জেলেংস্কি

ইউক্ৰেইনৰ লুহানস্ক অঞ্চলত বিধংসী বনজুইৰ ঘটনা ৷ ইতিমধ্যে প্ৰাণ হেৰুৱালে বহু লোকে৷ আনহাতে, বনজুইৰ ফলত ভস্মীভূত হ'ল বহু লোকৰে বাসগৃহ ৷ 6 জুলাইত আৰম্ভ হোৱা এই বনজুই অতি কম সময়ৰ ভিতৰতে জনবহুল অঞ্চললৈ বিয়পি পৰে ৷ ঘটনা সংঘটিত অঞ্চলত অগ্নিনিৰ্বাপক বাহিনীৰ লোক উপস্থিত হয় যদিও জুই নিৰ্বাপন কৰিবৰ বাবে বহু সমস্যাৰ সন্মুখীন হয় ৷ 23 টাকৈ ঘৰ ভস্মীভূত হোৱাৰ লগতে স্মোয়ানিনোভও গাঁৱৰ বিস্তৰ ক্ষতি সাধন হয় ৷ বৰ্তমানলৈকে 5 জন লোকৰ মৃত্যু হোৱাৰ লগতে নিৰুদ্দিষ্ট হৈ আছে এজন ৷ মঙলবাৰে ঘটনাস্থলীত উপস্থিত হয় ইউক্ৰেইনৰ ৰাষ্ট্ৰপতি ভ'ল'ডিমিৰ জেলেংস্কি ৷