কুসুমতোলাত 75তম স্বাধীনতা দিৱস পালন

দেশৰ বিভিন্ন প্ৰান্তৰ লগতে দেওবাৰে শোণিতপুৰ জিলাৰ অন্তৰ্গত জামুগুৰিহাটৰ নিকটৱৰ্তী কুসুমটোলাৰ দ্বাদশ অসম আৰক্ষী বাহিনীৰ মুখ্য কাৰ্যালয়ত বিভিন্ন কাৰ্যসূচীৰে দেশৰ 75 সংখ্যক স্বাধীনতা দিৱস দ্বাদশ অসম আৰক্ষী বাহিনীৰ মুখ্য কাৰ্যালয় খেল পথাৰত অনুষ্ঠিত কৰা হয় । কাৰ্যসূচীৰ আৰম্ভণিতে দ্বাদশ অসম আৰক্ষী বাহিনীৰ মুখ্য অধিনায়ক প্ৰণৱ জ্যোতি গোস্বামীয়ে পেৰেডত অংশ গ্ৰহণ কৰি জোৱানসকলৰ অভিবাদন গ্ৰহণ কৰি ভাৰতৰ জাতীয় পতাকা উত্তোলন কৰে । এই অনুষ্ঠানত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হোৱা কেইবাগৰাকীও মেধাবী শিক্ষাৰ্থীক সন্মান জনোৱা হয় ।