সুদৰ্শন পাটনায়কৰ হাতৰ পৰশত প্ৰাণ পাইছে দেৱী দুৰ্গাই

দেশৰ ভিন্ন প্ৰান্তত দেৱী দুৰ্গাৰ পূজা-অৰ্চনা অব্যাহত আছে । ওড়িশাৰ প্ৰতিটো পূজা মণ্ডপতে চলিছে দেৱীৰ আৰাধনা । তাৰ মাজতে শিল্পী সুদৰ্শন পাটনায়কৰ হাতৰ পৰশত প্ৰাণ পাই উঠা দেৱী দুৰ্গাৰ প্ৰতিমাই সকলোৰে দৃষ্টি আকৰ্ষণ কৰিছে । শিল্পীগৰাকীয়ে পুৰীৰ সাগৰৰ তীৰত নিৰ্মাণ কৰিছে প্ৰতিমাখনি । বালিৰ ওপৰত সাগৰীয় শামুকৰ খোলা ব্যৱহাৰ কৰি নিৰ্মাণ কৰা হৈছে দেৱীৰ প্ৰতিমা । দুৰ্গা পূজাৰ মহাসপ্তমী উপলক্ষে শিল্পী সুদৰ্শন পাটনায়কৰ এই পদক্ষেপ গ্ৰহণ ।