প্ৰাক্তন বৈদেশিক পৰিক্ৰমা মন্ত্ৰী সুষমা স্বৰাজৰ দেহাৱসানঃবিভিন্নজনৰ শোক প্ৰকাশ

দেশৰ প্ৰাক্তন বিদেশ মন্ত্ৰী সুষমা স্বৰাজৰ মৃত্যুত সমগ্ৰ দেশত শোকৰ ছাঁ পৰিছে ৷ মঙলবাৰে দিল্লীৰ এইমছত হৃদযন্ত্ৰৰ ক্ৰিয়া বন্ধ হৈ মৃত্যুবৰণ কৰা জ্যেষ্ঠ বিজেপি নেত্ৰীগৰাকীৰ আকস্মিক মৃত্যুত ব্যথিত তথা মৰ্মাহত হৈ পৰিছে দেশৰ সৰ্বসাধাৰণ ৰাইজৰ পৰা শাসক-বিৰোধী তথা বলীউডৰ কলা- কুশলী ৷ বিভিন্ন ৰাজনৈতিক নেতা আৰু বলীউডৰ কলা কুশলীয়ে নেতৃগৰাকীৰ মৃত্যুত শোক প্ৰকাশ কৰাৰ লগতে সমবেদনা জ্ঞাপন কৰিছে ৷ নেত্ৰীগৰাকীৰ নশ্বৰ দেহত শেষ শ্ৰদ্ধাঞ্জলি জ্ঞাপন  কৰাৰ বাবে ইতিমধ্যেই নেত্ৰীগৰাকীৰ বাসগৃহত দলীয় সতীৰ্থ , বিৰোধী ৰাজনৈতিক নেতাৰ সমাগম পৰিলক্ষিত হৈছে ৷ ইন্দিৰা গান্ধীৰ পিছত বিদেশ মন্ত্ৰণালয়ৰ দায়িত্ব লোৱা ভাৰতবৰ্ষৰ দ্বিতীয়গৰাকী মহিলা ৰাজনীতিবিদ ও  মোদী চৰকাৰৰ প্ৰথম কাৰ্যকালৰ বিদেশ মন্ত্ৰী আছিল সুষমা স্বৰাজ ৷