এশ গৰু মাৰিলে বাঘৰো মৰণ: গঞা লোকক প্ৰৱঞ্চনা কৰি মাজুলী আৰক্ষীৰ জালত তিনি প্ৰৱঞ্চক

মাজুলীৰ আৰক্ষীৰ জালত পৰিল তিনিটাকৈ প্ৰৱঞ্চক(Assam police arrest fraudsters in Majuli) ৷ আটকাধীন তিনি প্ৰৱঞ্চকে দীৰ্ঘদিনধৰি অঞ্চলটোৰ বহু সহজ সৰল লোকক প্ৰৱঞ্চনা কৰি সৰকাইছিল ধন । অৱশেষত ঢকুৱাখনাৰ পৰা বনগাঁও আৰক্ষীয়ে আটক কৰিবলৈ সক্ষম হয় এই তিনি প্ৰবঞ্চক ক্ৰমে নিপু ঠাকুৰ, দিগন্ত দাস, প্ৰফুল্ল দাসক ৷ লগতে আৰক্ষীয়ে তিনি প্ৰৱঞ্চকৰ পৰা জব্দ কৰে এখন Alto বাহনো ৷ সম্প্ৰতি এতিয়াও পলাতক অৱস্থাত আছে দলটোৰ ছিদ্দিক আলি নামৰ আন এটা প্ৰৱঞ্চক ৷ ধৃত প্ৰৱঞ্চককেইটাৰ বিৰুদ্ধে আৰক্ষীয়ে মাজুলী থানাত 9/ 22 নম্বৰৰ বিপৰীতে ৪২০/৩৪ IPC ধাৰাত গোচৰ ৰুজো কৰি আৰম্ভ কৰিছে তদন্ত । উল্লেখ্য যে, অঞ্চলটোৰ বহুকেইগৰাকী মহিলাই ৰুজু কৰা গোচৰৰ ভিত্তিত প্ৰৱঞ্চকৰ দলটোৰ বিৰুদ্ধে আৰম্ভ কৰিছিল অভিযান ৷ আটকাধীন প্ৰৱঞ্চককেইটাক ইতিমধ্যে জেল হাজোতলৈ প্ৰেৰণ কৰিছে আৰক্ষীয়ে ৷