Spitting On CM Banner : মুখ্যমন্ত্ৰী হিমন্ত বিশ্ব শৰ্মাৰ বেনাৰত পিকালে কোনে ?

দীঘলীপুখুৰীৰ অসম য়ুথ অলিম্পিক খেল প্ৰাংগনত নিন্দনীয় ঘটনা ৷ ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ বেনাৰত পিকালে কোনো দুৰ্বৃত্তই (Spitting On CM Banner)৷ দীঘলীপুখুৰী পাৰৰ ৰ’য়িং খেল প্ৰাংগনত কটকটীয়া নিৰাপত্তা বেষ্টনী গঢ়ি তোলাৰ পিছতো কোনো দুৰ্বৃত্তই মুখ্যমন্ত্ৰীৰ বেনাৰখনত পিক পেলাই থৈ যোৱা ঘটনাই তীব্ৰ প্ৰতিক্ৰিয়াৰ সৃষ্টি কৰিছে (Spitting On CM Himanta Biswa Sarma Banner) ৷ এই ঘটনাই স্থানীয় আৰু বহিঃ ৰাজ্যৰ খেলুৱৈ তথা প্ৰশিক্ষকসকলৰ মাজতো প্ৰতিক্ৰিয়াৰ সৃষ্টি কৰিছে ৷ এই ঘটনাক ধিক্কাৰ দিছে খেল কৰ্তৃপক্ষই ৷ অৱশ্যে ততালিকে খেলৰ কৰ্তৃপক্ষই বেনাৰখন পানীৰে চাফা কৰি দিয়ে ৷ অলিম্পিকৰ কৰ্তৃপক্ষই কয় যে, "এই ঘটনা অতিকৈ নিন্দনীয়৷ মানসিকভাৱে বিকাৰগ্ৰস্ত মানুহেহে এনে কাম সংঘটিত কৰিব পাৰে ৷ এই গেম উপভোগ কৰিবলৈ অহা সকলোৱে যাতে শালীনতা বজাই ৰাখে ৷ এই ক্ৰীড়া মানসিক বিকাশৰ বাবে অনুষ্ঠিত কৰা হয় ৷ এনেধৰণৰ ঘটনা পুনৰাই নঘটিবলৈ মই প্ৰশাসনৰ লোককো কঠোৰভাৱে দৃষ্টি নিক্ষেপ কৰিবলৈ আহ্বান জনাইছো ৷"