Assam Bandh: বন্ধৰ সমৰ্থনত মৰাণৰ ৰাজপথত টায়াৰ জ্বলিয়েই আছে

ছয় জনগোষ্ঠীক জনজাতিকৰণৰ প্ৰসংগক লৈ বিতৰ্ক অব্যাহত থকাৰ মাজতে মঙলবাৰে ৰাজ্যজুৰি ১২ ঘণ্টীয়া বন্ধৰ আহ্বান জনাইছে ছয় জনগোষ্ঠীয় ঐক্য মঞ্চই (Demanding scheduling of six communities) ৷ উজনি অসমত এই বন্ধৰ মিশ্ৰিত প্ৰভাৱ পৰা পৰিলক্ষিত হৈছে (12 hour Assam bandh) ৷ উজনি অসমৰ বহুকেইটা স্থানত বন্ধৰ বাবে জনজীৱন ব্যাহত হৈ পৰিছে ৷ ডিব্ৰুগড় জিলাৰ মৰাণতো বন্ধৰ প্ৰভাৱ পৰা দেখা গৈছে । চহৰখনত যথেষ্ট সংখ্যক আৰক্ষী, চিআৰপিএফ বাহিনী মোতায়েন কৰা হৈছে । অৱশ্যে তাৰ মাজতে ঠায়ে ঠায়ে ৰাজপথত টায়াৰ জ্বলোৱাও দেখা গৈছে । বন্ধৰ সমৰ্থকে টায়াৰ জ্বলাই প্ৰতিবাদ সাব্যস্ত কৰিছে । আনহাতে ছয় জনগোষ্ঠীক জনজাতিকৰণ নকৰিলে আগন্তুক দিনত ভয়াৱহ আন্দোলন কৰাৰো হুংকাৰ দিছে প্ৰতিবাদকাৰীয়ে ।