Water ATM machine : টীয়কত খোৱাপানীৰ ATM উদ্বোধন সাংসদ তপন গগৈৰ

শনিবাৰে যোৰহাট লোকসভা সমষ্টিৰ সাংসদ তপন কুমাৰ গগৈয়ে (MP Tapan Kumar Gogoi) টীয়কত এটি বিশুদ্ধ খোৱাপানীৰ ATM মেচিন উদ্বোধন কৰে (Water ATM machine inaugurate at teok) । টীয়ক পৌৰসভাই প্ৰৱেশ কৰ ১৪-১৫ বৰ্ষৰ ৰাহি পুঁজিৰে টীয়কৰ মিধাঘাট তিনিআলিৰ সমীপত জ্যোতি বিদ্যাপীঠৰ চৌহদত এই মেচিনটো স্থাপন কৰে । অত্যাধুনিক পদ্ধতিৰে নিৰ্মাণ কৰা উক্ত মেচিনত খুচুৰা দুটকা আৰু পাঁচ টকা ভৰালেই দুই লিটাৰৰ পৰা বিশ লিটাৰ পৰ্যন্ত বিশুদ্ধ খোৱাপানী এতিয়াৰে পৰা ৰাইজে লাভ কৰিব পাৰিব ৷ উক্ত বিশুদ্ধ খোৱাপানীৰ ATM মেচিনটো উদ্বোধনৰ সময়ত উপস্থিত থাকে টীয়ক পৌৰসভাৰ পৌৰপতি লাকী বৰবৰা গগৈ, উপ-পৌৰপতি মাধৱী হাজৰিকা, জ্যোতিৰ্বিদ্যাৰ টীয়কৰ অধ্যক্ষ প্ৰশান্ত কুমাৰ দাস, সম্পাদক অশোক কুমাৰ বৰা, জ্যেষ্ঠ শিক্ষাবিদ ভাৰত ভূষণ বৰাকে প্ৰমুখ্য কৰি ভালেসংখ্যক গণ্য মান্য ব্যক্তি ৷