চৰকাৰী আৱাসগৃহ ত্যাগ কৰিলে মহাৰাষ্ট্ৰৰ মুখ্যমন্ত্ৰীয়ে

মহাৰাষ্ট্ৰ্ৰৰ মুখ্যমন্ত্ৰী উদ্ধৱ ঠাকৰেয়ে বুধবাৰে ত্যাগ কৰিলে মুখ্যমন্ত্ৰীৰ চৰকাৰী আৱাসগৃহ(Uddhav Thackeray leaves Varsha) ৷ বুধবাৰে সন্ধিয়া টালি-টোপোলা বান্ধি মুখ্যমন্ত্ৰীৰ বাসগৃহ ত্যাগ কৰে আৰু মাতোশ্ৰীত থকা তেওঁৰ পিতৃগৃহলৈ ঘূৰি যায় ৷ মুখ্যমন্ত্ৰীগৰাকীয়ে চৰকাৰী আৱাসগৃহ ত্যাগ কৰাৰ সময়ত শিৱসেনাৰ কৰ্মী আৰু সমৰ্থকসকলে বাসগৃহটোৰ সন্মুখত একত্ৰিত হৈ এক আৱেগিক মুহূৰ্তৰ সৃষ্টি কৰে ৷ উল্লেখ্য যে, দলৰ 45 গৰাকী বিধায়কে মুখ্যমন্ত্ৰীগৰাকীৰ বিৰুদ্ধে অক্ষমতাৰ অভিযোগ তুলি বিসম্বাদৰ সৃষ্টি কৰিছে (Maharashtra political crisis)৷ ইয়াৰ পাচতেই প্ৰয়োজন সাপেক্ষে মুখ্যমন্ত্ৰীৰ পদ ত্যাগ কৰিবলৈও সাজু বুলি উদ্ধৱ ঠাকৰেয়ে এক ফেচবুক লাইভ যোগে মন্তব্য কৰিছিল ৷