দুলীয়াজানত গেছ পৰিবাহী পাইপ ফুটি অহৰহ ওলাইছে গেছ

দুলীয়াজানত ভয়ংকৰ ঘটনা । ভয়াৱহভাৱে অসম গেছ কোম্পানী লিমিটেডৰ গেছ পৰিবাহী পাইপৰ পৰা নিৰ্গমন হৈছে গেছ (Gas pipe bursts in Duliajan)। দুলীয়াজানৰ ডিৰিয়াল চাহ বাগিচাৰ ধোঁৱা লাইনত সংঘটিত হৈছে এই ঘটনা । প্ৰথমে প্ৰচণ্ড শব্দ আৰু তাৰ পিছত পাইপৰ পৰা নিৰ্গমন হৈছে গেছ । আনহাতে গেছ নিৰ্গমন হোৱা স্থানৰ নিচেই কাষতে আছে কেইবাটাও বাসগৃহ । যিকোনো মুহূৰ্ততে ভয়ংকৰ অগ্নিকাণ্ড সংঘটিত হোৱাৰ পূৰ্ণ সম্ভৱনা আছে । যাৰ বাবে তীব্ৰ আশংকাত ভূগিছে সমগ্ৰ অঞ্চলৰ লোক । ৰাইজে ঘটনা সৰ্ন্দভত অসম গেছ কোম্পানী লিমিটেডক জনাইছে যদিও এই পৰ্যন্ত কোনো ধৰণৰ কাৰ্যকৰী ব্যৱস্থা গ্ৰহণ কৰা নাই বুলি জানিব পৰা গৈছে । ইফালে বাঘজান কাণ্ডৰ দৰে ভয়ংকৰ পৰিস্থিতিৰ সৃষ্টি হ'ব বুলি ভয়ত কঁপিছে দুলীয়াজানবাসী ।