গোলাঘাটৰ পাঁচআলিত ভয়াৱহ অগ্নিকাণ্ড

গোলাঘাটৰ পাঁচআলিত বুধবাৰে সংঘটিত হয় ভয়াৱহ অগ্নিকাণ্ড(Massive fire broke out in Golaghat town) ৷ অগ্নিকাণ্ডত জাহ যায় কেইবাখনো ব্যৱসায়িক প্ৰতিষ্ঠান আৰু বাসগৃহৰ লগতে এখন বাহন ৷ শ্বৰ্ট চাৰ্কিটৰ ফলত জুইৰ সূত্ৰপাত হোৱা বুলি সন্দেহ স্থানীয় ৰাইজৰ । ঘটনাস্থলীত কেইবাখনো অগ্নি নিৰ্বাপক বাহিনীৰ বাহন উপস্থিত হৈ জুই নিৰ্বাপণ কৰিবলৈ সক্ষম হয় যদিও কেইবা লক্ষাধিক টকাৰ সা-সম্পত্তি জুইত ভস্মীভূত হোৱাৰ সন্দেহ ৷ উল্লেখ্য যে, গোলাঘাট বাণিজ্য মহাবিদ্যালয়ৰ অধ্যাপিকা দিপাৰাণী বৰুৱাৰ বাসগৃহত সংঘটিত হয় এই অগ্নিকাণ্ডৰ ঘটনা । চৌহদত নিৰ্মিত এটা চাংঘৰৰ পৰা জুইৰ সুত্ৰপাত হোৱা বুলিও সন্দেহ প্ৰকাশ কৰা হৈছে ।