Asom Bahumukhi Samabai Samiti: বাক্সাত জমা ধন ঘূৰাই বিচাৰি বিত্তীয় প্ৰতিষ্ঠানৰ সন্মুখত গ্ৰাহকৰ ধৰ্ণা

বাক্সা জিলাৰ সদৰ মুছলপুৰত সোমবাৰে জমা ধন ঘূৰাই বিচাৰি উত্তপ্ত পৰিস্থিতিৰ সৃষ্টি কৰিলে ক্ষুব্ধ গ্ৰাহকে (Public dharna for seeking return of deposits) ৷ অসম বহুমুখী সমবায় সমিতি পৰিসীমিত নামৰ বিত্তীয় প্ৰতিষ্ঠানটোৰ মইমতালিত ক্ষুব্ধ হৈ গ্ৰাহক ৰাইজে ঘেৰাও কৰে ইয়াৰ কাৰ্যালয়টো (Asom Bahumukhi Samabai Samiti) ৷ উল্লেখ্য যে মুছলপুৰত স্থাপন কৰা অসম বহুমুখী সমবায় সমিতি নামৰ বিত্তীয় প্ৰতিষ্ঠানটোৱে বিভিন্ন ঠাইত এজেন্ট নিয়োগ কৰি গ্ৰাহকৰ পৰা ধন সংগ্ৰহ কৰি আহিছিল (Tense situation at Financial institutions in Baksha) ৷ পিছে গ্ৰাহকৰ জমা ধনৰ মেচিউৰিটি হোৱাৰ পিছতো বিত্তীয় প্ৰতিষ্ঠানটোৱে গ্ৰাহকৰ জমা ধন ঘূৰাই দিয়া নাই ৷ অভিযোগ অনুসৰি, বিত্তীয় প্ৰতিষ্ঠানটোৰ পৰিচালকে গ্ৰাহকসকলক দৈনিক চলাহি কথাৰে প্ৰৱঞ্চনা কৰি আহিছিল ৷ আনকি একোজন গ্ৰাহকক দুবছৰ পৰ্যন্ত জমা ধন মুকলি কৰি দিয়া নাই প্ৰতিষ্ঠানটোৱে ৷ যাৰ বাবে গ্ৰাহকসকলে বিত্তীয় প্ৰতিষ্ঠানটো ঘেৰাও কৰি জমা ধন বিচাৰি উত্তপ্ত পৰিৱেশৰ সৃষ্টি কৰে ৷ জানিব পৰা মতে, বিত্তীয় প্ৰতিষ্ঠানটোৱে ডেৰ কোটিৰো অধিক ধন গ্ৰাহকক ঘূৰাই দিব লাগে ৷