Road accident at Tezpur: তেজপুৰত পথ দুৰ্ঘটনাত আহত ৭

শোনিতপুৰ জিলাৰ তেজপুৰ মিলনপুৰত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা(Road accident at Tezpur)। ঘটনাৰ বিবৰণী অনুসৰি তেজপুৰ মিলনপুৰত এখন ট্ৰাকে যাত্ৰীসহ মহতিয়াই নিলে এখন ই-ৰিক্সা ৷ উক্ত দুৰ্ঘটনাত মহিলাসহ ৭ গৰাকী লোক গুৰুতৰ ভাৱে আহত হয় ৷ মিলনপুৰত দিনৰ ১২ বজাত AS27C 6313 নম্বৰৰ এখন তীব্ৰ বেগী ট্ৰাকে AS12ER 0680 নম্বৰৰ এখন ই-ৰিক্সাত খুন্দিওৱাৰ ফলত ৭ গৰাকী লোক আহত হয় । পাছত গুৰুতৰ ভাবে আহত সকলক চিকিৎসালয়লৈ প্ৰেৰণ কৰা হয় । আহত সকলৰ ভিতৰত ৪ গৰাকী মহিলা আছে । জানিব পৰা মতে,স্থানীয় এফ চি আই গুদামলৈ চাউল লোডিং কৰিবলৈ গৈ থকা অৱস্থাত এই দুৰ্ঘটনাটো সংঘটিত হয় । বৰ্তমানলৈকে আহতসকলৰ পৰিচয় জানিব পৰা হোৱা নাই ।