Devastating fire in Sivsagar : শিৱসাগৰত ভয়ংকৰ অগ্নিকাণ্ড, ভস্মীভূত 3 খন বিপণী

শনিবাৰে নিশা প্ৰায় 12 বজাত বকতা অঞ্চলত সংঘটিত হয় এক ভয়ংকৰ অগ্নিকাণ্ডৰ ঘটনা (Fire incident at Bokota) । এই অগ্নিকাণ্ডত জাহ যায় তিনিখনকৈ বিপণী (Devastating fire in Sivsagar) ৷ ফলত সৰ্বস্বান্ত হৈ পৰিছে তিনিটাকৈ পৰিয়াল ৷ ইফালে ৰাইজৰ অভিযোগ, ঘটনা সন্দৰ্ভত অগ্নিনিৰ্বাপক বাহিনীৰ লোকক খবৰৰ দিয়াৰ পাচতো ঘটনাস্থলীত উপস্থিত নহ’ল অগ্নিনিৰ্বাপক বাহিনীৰ বাহন ৷ যাৰ ফলত ক্ষোভিত হৈ পৰিছে অঞ্চলটোৰ ৰাইজ ৷ আনহাতে, ঘটনাস্থলীত অগ্নিনিৰ্বাপক বাহিনীৰ বাহন উপস্থিত নোহোৱাৰ মূল কাৰণ হৈছে বকতা-নঙলামৰাৰ দলংখন । চাৰিচকীয়া আৰু গধুৰ যানবাহন চলাচলৰ বাবে সম্প্ৰতি বন্ধ হৈ আছে এই দলংখন ৷ যাৰ বাবে ঘটনাস্থলীলৈ আহিও দলঙৰ এমূৰে ৰৈ থাকিবলগা হয় অগ্নিনিৰ্বাপক বাহিনীৰ গাড়ী ।