বয়স বৃদ্ধি হোৱাৰ লগে লগে হাড় দুৰ্বল হোৱাটো তেনেই সাধাৰণ কথা ৷ ৩০ বছৰ বয়সৰ পিছত আপোনাৰ হাড়বোৰ আগৰ দৰে শক্তিশালী হৈ নাথাকে ৷ ইয়াৰ কাৰণ হ’ল বয়সৰ লগে লগে আমাৰ হাড়ত থকা খনিজ পদাৰ্থবোৰ ক্ৰমান্বয়ে কমিবলৈ আৰম্ভ কৰে, যাৰ বাবে হাড়ৰ ঘনত্ব কমিবলৈ আৰম্ভ কৰে আৰু হাড়বোৰ দুৰ্বল হৈ পৰে ৷ ইয়াক প্ৰতিৰোধ কৰাৰ এটা উপায় হ’ল আপোনাৰ খাদ্য তালিকাত এনে খাদ্য সামগ্ৰী অন্তৰ্ভুক্ত কৰাটো উচিত য’ত প্ৰচুৰ পৰিমাণে কেলচিয়াম পোৱা যায় ৷
এতিয়া কেলচিয়ামৰ নাম শুনিলে প্ৰথম আমাৰ মনলৈ আহে গাখীৰ, কিন্তু কিছুমান নিৰামিষ খাদ্য বস্তুও আছে যিসমূহ প্ৰচুৰ পৰিমাণে কেলচিয়ামেৰে ভৰপূৰ ৷ গতিকে জানো আহক এই খাদ্য সামগ্ৰী কেইবিধনো কি-
আলমণ্ড
আলমণ্ডত ভালে পৰিমাণৰ কেলচিয়াম পোৱা যায়, যি আমাৰ হাড়ৰ স্বাস্থ্যৰ বাবে অতি উপকাৰী ৷ কেলচিয়ামৰ বাহিৰেও ইয়াত মেগনেছিয়াম, ভিটামিন ই, আঁহ আৰু স্বাস্থ্যকৰ চৰ্বি আদি বহুতো অত্যাৱশ্যকীয় পুষ্টিকৰ উপাদান পোৱা যায়, যিবোৰে বহু ৰোগ প্ৰতিৰোধ কৰাত সহায় কৰে ৷
ব্ৰকলি
ব্ৰকলি এবিধ অতি স্বাস্থ্যকৰ পাচলি, য’ত কেলচিয়ামৰ লগতে আন বহুতো প্ৰয়োজনীয় পুষ্টিকৰ উপাদান থাকে ৷ গতিকে ইয়াক আপোনাৰ খাদ্য তালিকাত অন্তৰ্ভুক্ত কৰিলে শক্তিশালী হাড়ৰ লগতে আন বহুতো উপকাৰিতা লাভ কৰিব পাৰে ৷
চিয়া বীজ
সৰু যেন লগা এই শস্যবোৰ আমাৰ স্বাস্থ্যৰ বাবে অতি উপকাৰী ৷ ইয়াত বৃহৎ পৰিমাণৰ প্ৰ’টিন পোৱা যায়, যিয়ে হাড় শক্তিশালী কৰাত সহায় কৰে ৷ ইয়াৰ উপৰিও ইয়াত প্ৰ’টিন আৰু ওমেগা-৩ ফেটি এচিড পোৱা যায়, যি আমাৰ হৃদযন্ত্ৰৰ বাবে অতি গুৰুত্বপূৰ্ণ ৷
ডিমৰু
ডিমৰু এবিধ সৰু ফল, য’ত কেলচিয়াম বৃহৎ পৰিমাণে পোৱা যায় ৷ এই কাৰণে হাড়ৰ বাবে ই অতি উপকাৰী ৷ ইহঁতত এন্টি-অক্সিডেন্টও পোৱা যায়, যিয়ে অক্সিডেটিভ চাপৰ ফলত হোৱা ক্ষতিৰ পৰা ৰক্ষা কৰে ৷
বগা বীন
এই বীন কেলচিয়ামৰ প্ৰধান উৎস ৷ কেলচিয়ামৰ লগতে ইয়াত আইৰণো প্ৰচুৰ পৰিমাণে পোৱা যায়, যিয়ে আপোনাৰ হাড় শক্তিশালী কৰাত সহায় কৰে ৷
লগতে পঢ়ক: এইসমূহ পৰম্পৰাগত সুস্বাদু খাদ্যৰ অবিহনে আধৰুৱা ভোগালী বিহু
