কাজু এবিধ অতি স্বাস্থ্যকৰ শুকান ফল য’ত প্ৰ’টিন, আঁহ, তাম, মেংগানিজ, ফছফৰাছ, আইৰণ আৰু পটাছিয়াম আদি গুণৰ ভঁৰাল । কাজু সেৱন কৰিলে হাড় মজবুত হয় । একে সময়তে আপোনাৰ শৰীৰৰ গ্লুক’জৰ মাত্ৰাও ইয়াৰ দ্বাৰা বজাই ৰখা হয় । ইয়াৰ লগতে আপোনাৰ হজম শক্তি আৰু ওজনো ঠিকেই থাকে । এনে পৰিস্থিতিত আজি আমি আপোনাৰ বাবে কাজু হালোৱা বনোৱাৰ পদ্ধতি লৈ আহিছো ।
শাওন মাহ চলি আছে, গতিকে সোমবাৰৰ উপবাসৰ সময়ত এই হালোৱা সহজে বনাই খাব পাৰিব । ইয়াৰ লগে লগে আপোনাৰ পেটটোও বহুসময়লৈ ভৰি থাকিব । ইয়াৰ লগতে গোটেই দিনটো শক্তিৰে ভৰি থাকিব, গতিকে কাজু হালোৱা কেনেকৈ বনাব পাৰি জানো আহক ।
কাজু হালোৱা বনোৱাৰ উপকৰণ-
- কাজু ২ কাপ পোৰা
- চেনি ১ ১/৪ কাপ
- কেশৰ কেইটামান সূতা
- ইলাচি ১ চামুচ থেতেলিয়াই লোৱা
- গৰম পানী ১/২ কাপ
- নাৰিকল গুড়ি
- ঘিউ ৮ চামুচ
কাজু হালোৱা কেনেকৈ বনাব ?
- কাজু হালোৱা বনাবলৈ প্ৰথমে কেৰাহীত ঘিউ গলাই লওক ।
- তাৰ পিছত তাত কাজু গুড়ি আৰু নাৰিকল গুৰি দিব ।
- ইয়াৰ পিছত পাতল বাদামী হোৱালৈকে ভালদৰে ভাজিব ।
- তাৰ পিছত তাত গৰম পানী দি মিশ্ৰণটো ভালদৰে লৰাই থাকিব ।
- ইয়াৰ পিছত ৰুচি অনুযায়ী চেনি দি লাহে লাহে লৰাই ৰান্ধিব ।
- ইফালে সৰু বাটি এটাত অলপ গাখীৰ আৰু কেশৰৰ সূতা দি বেটাৰ বনাওক ।
- তাৰ পিছত তাত কেশৰ গাখীৰ আৰু ইলাচিৰ গুড়ি দিব ।
- ইয়াৰ পিছত ভালদৰে মিহলাই গেছ বন্ধ কৰি দিব ।
- এতিয়া আপোনাৰ কাজু হালোৱা তৈয়াৰ হৈ গৈছে ।
- তাৰ পিছত কটা কাজুৰ টুকুৰাৰে সজাই গৰমে গৰমে পৰিবেশন কৰক ।
লগতে পঢ়ক: Weight Loss Spices: ক্ষীপ্ৰতাৰে ওজন হ্ৰাস কৰিবলৈ খাওক এইসমূহ মছলা
