সৰুৰ পৰা ডাঙৰলৈকে, সকলোৱে ভেন্দি খাই ভাল পায় ৷ এই পাচলিবিধত এনে বহু গুণ পোৱা যায়, যিয়ে শৰীৰক বহু সমস্যাৰ পৰা ৰক্ষা কৰে ৷ ভেন্দিৰ তৰকাৰী, ভাজি আদি বহু ধৰণে তৈয়াৰ কৰা হয় ৷ যিটো যথেষ্ট সোৱাদযুক্ত ৷ ভেন্দি ভাজি হওক বা তৰকাৰী৷ ৰুটি বা ভাতৰ লগত খোৱাৰ আমেজেই সুকীয়া ৷ সেয়ে আজি আমি আপোনালোকৰ বাবে এনে এবিধ মছলা ভেন্দিৰ ৰেচিপিৰ বিষয়ে ক’বলৈ ওলাইছো, যিটো আপুনি দুপৰীয়া বা ৰাতিৰ আহাৰতো তৈয়াৰ কৰি উপভোগ কৰিব পাৰে ৷ ইয়াৰ সহজ ৰেচিপিৰ বিষয়ে তলত উল্লেখ কৰা হ’ল-
সামগ্ৰী
ভেন্দি ১ কেজি, ২-৩ টা জলকীয়া, ১-২ চামুচ সৰিয়হৰ তেল, ১ চামুচ ধনীয়া গুড়ি, ১ চামুচ ৰঙা জলকীয়াৰ গুড়ি, ১ চামুচ জিৰাৰ গুড়ি, ১ চামুচ হালধিৰ গুড়ি, ৰুচি অনুসৰি নিমখ, ২-৩ টা পিঁয়াজ,
ৰেচিপি
- প্ৰথমে ভেন্দিখিনি পানীৰে ভালদৰে ধুই পৰিষ্কাৰ কাপোৰেৰে মচি লওক ৷ এতিয়া দীঘলীয়াকৈ মাজেৰে কাটি লওক ৷
- ইয়াৰ পিছত পিঁয়াজ আৰু কেঁচা জলকীয়া মিহিকৈ কাটি একাষৰীয়াকৈ ৰাখি লওক ৷
- এতিয়া কেৰাহীত তেল গৰম কৰি জিৰা দি ভাজি লওক ৷ ইয়াৰ বাহিৰেও কেঁচা জলকীয়াৰ সৈতে কটা পিঁয়াজ দিব ৷
- এতিয়া ভালদৰে ভাজি তাত হালধিৰ গুড়ি, ধনীয়া গুড়ি, জিৰা গুড়ি আৰু ৰঙা জলকীয়াৰ গুড়ি দিব ৷ এই মিশ্ৰণটো ভালদৰে ভাজি লওক ৷
- এতিয়া এই মছলাখিনি কাটি লোৱা ভেন্দিৰ মাজভাগত ভৰাই ভালদৰে মছলাখিনি মিহলাই লওক আৰু কম জুইত ঢাকনিৰে ঢাকি ফ্ৰাই কৰি লওক ৷
- সিজিবলৈ আৰম্ভ হ’লে তাত নিমখ আৰু শুকান আমৰ গুড়ি দি কিছু সময়ৰ পাছত গেছ বন্ধ কৰি দিব ৷
ভেন্দি খোৱাৰ উপকাৰিতা
- হৃদযন্ত্ৰৰ স্বাস্থ্যৰ বাবে উপকাৰী
- হজম শক্তিৰ বাবে উপকাৰী
- উজ্বল ছালৰ বাবে
- চকুৰ বাবে উপকাৰী
- ৰক্তশৰ্কৰা নিয়ন্ত্ৰণত সহায়ক
- উচ্চ ৰক্তচাপ নিয়ন্ত্ৰণত সহায়ক
- গৰ্ভৱতী মহিলাৰ বাবে উপকাৰী
লগতে পঢ়ক: Benefits of Smiling: এই প্ৰতিবেদন পঢ়াৰ পিছত আপুনিও নিশ্চয় ক’ব হাঁহিয়েই জীৱনৰ মূলমন্ত্ৰ
