শীতকাল পৰাৰ লগে লগে আমি আমাৰ শৰীৰক বিভিন্ন ৰোগৰ পৰা ৰক্ষা কৰিবলৈ বিভিন্ন ধৰণৰ খাদ্য গ্ৰহণ কৰো ৷ এয়া বিহুৰ বতৰ গতিকে এই সময়ছোৱাত গুড়-তিল-নাৰিকলেৰে বিধে বিধে লাৰু-পিঠা আদি প্ৰস্তুত কৰা হয় ৷ কিন্তু আপুনি জানেনে গুড় আৰু তিল আমাৰ স্বাস্থ্যৰ পক্ষে কিমান উপকাৰী ৷ যদি আপুনি এই বিষয়ে জ্ঞাত নহয় তেন্তে আজি এই প্ৰতিবেদনৰ জৰিয়তে তিল আৰু গুড় খোৱাৰ উপকাৰিতাৰ বিষয়ে জনাম৷ এই ঠাণ্ডাৰ বতৰত এই পুষ্টিকৰ খাদ্যই আপোনাৰ স্বাস্থ্যৰ বাবে কেনেদৰে উপকাৰিতা সাধন কৰে জানো আহক-
কোষ্ঠকাঠিন্যৰ পৰা সকাহ দিয়ে: পুৱা সোনকালে সাৰ পোৱাৰ পিছত তিল খোৱাটো পাচনতন্ত্ৰ শক্তিশালী কৰাত অতি লাভদায়ক ৷ ইয়াত প্ৰচুৰ পৰিমাণৰ আঁহ থাকে, গতিকে ইয়াক গ্ৰহণ কৰিলে আপোনাৰ হজম শক্তি উন্নত হোৱাই নহয়, পেটৰ সৈতে জড়িত বহুতো সমস্যাও দূৰ কৰিব পৰা যাব ৷
চৰ্দি, কাহ আৰু ফ্লুৰ পৰা সুৰক্ষা: এই বতৰত চৰ্দি, কাহ আৰু ফ্লু এটি ডাঙৰ সমস্যা যাৰ সৈতে বহুতে যুঁজিবলগীয়া হয় ৷ এনে পৰিস্থিতিত দৈনিক গুড় সৈতে তিল খালে শৰীৰ গৰম হৈ থাকে ৷ সেয়ে শীতকালত তিল আৰু গুড়েৰে প্ৰস্তুত লাৰু খাব পাৰে ৷
ৰক্তহীনতা দূৰ কৰক: শৰীৰত তেজৰ অভাৱে বহু ৰোগক আমন্ত্ৰণ জনায় ৷ যদি আপুনিও এই সমস্যাৰ সৈতে যুঁজি আছে তেন্তে আপুনি আপোনাৰ খাদ্য তালিকাত তিল অন্তৰ্ভুক্ত কৰিব পাৰে ৷ ইয়াক গ্ৰহণ কৰি ৰক্তহীনতাৰ সম্ভাৱনাও দূৰ কৰিব পাৰে আৰু লগতে শৰীৰত হিম’গ্লবিনৰ মাত্ৰাও বৃদ্ধি কৰিব পাৰে ৷ ইয়াক আইৰণৰ ভাল উৎস বুলিও গণ্য কৰা হয় ৷
সুস্থ ছাল আৰু চুলি: শৰীৰত পুষ্টিকৰ উপাদানৰ মাত্ৰা বৃদ্ধি কৰিবলৈ তিল আৰু গুড়েৰে তৈয়াৰী লাডুও বনাই খাব পাৰে ৷ ইয়াৰ দ্বাৰা আপোনাৰ চুলি আৰু ছাল সুস্থ কৰি ৰখাত সহায়ক হ’ব আৰু লগতে বয়স বৃদ্ধিও কম হ’ব ৷
ৰক্তচাপ নিয়ন্ত্ৰণত থাকিব: তিল খালে ৰক্তচাপ ভাৰসাম্য ৰক্ষা কৰাত সহায় কৰে ৷ ইয়াৰ দ্বাৰা মেগনেছিয়ামৰ উত্তম উৎস ৷ ইয়াত প্ৰচুৰ পৰিমাণে ভিটামিন ই, লিগনান আৰু এন্টিঅক্সিডেন্ট থাকে ৷ বি পি আৰু কলেষ্টেৰল নিয়ন্ত্ৰণতো ই সহায়ক ৷
লগতে পঢ়ক: ভোগালী বিহু উপলক্ষে ঘৰতে অতি সহজে প্ৰস্তুত কৰক তিল চিকেন
