আজি বিজয়া দশমী ৷ আজিৰ দিনটোতে ভগৱান ৰামে ৰাৱণক বধ কৰি অধৰ্মক নাশি ধৰ্মৰ বিজয় স্থাপন কৰিছিল ৷ সেয়ে আজিৰ দিনটোত মানুহে ৰাৱণৰ প্ৰতিমূৰ্তি দাহ কৰি অধৰ্মৰ অন্ত পেলায় ৷ আজিৰ দিনটোতে ঠায়ে ঠায়ে দশেৰাৰ মেলাৰ আয়োজন কৰা হয় ৷ ইয়াৰ লগে লগে সমাগত দীপাৱলীৰ উৎসৱ ৷ এই সময়ছোৱাত ঘৰে ঘৰে বহু ধৰণৰ ব্যঞ্জন প্ৰস্তুত কৰা হয় ৷ একেদৰে বিধে বিধে মিঠাইও খোৱাটোও বাঢ়ি যায় ৷
মিঠাই এনেকুৱা এবিধ বস্তু যিয়ে সকলোকে মোহিত কৰে ৷ উৎসৱ বা পূজাৰ সময়ত মিঠাই বিশেষ ৷ উৎসৱৰ বতৰত মানুহে মিঠাই খাবলৈ পচন্দ কৰে ৷ বিশেষকৈ দীপাৱলী উপলক্ষে ৷ কিন্তু দশেৰা, দেৱালী আৰু দুৰ্গা পূজাৰ সময়ত মিঠাই খোৱাৰ পূৰ্বে কিছু কথা মনত ৰাখিব লাগে যাতে আপোনাৰ স্বাস্থ্যৰ অৱনতি নঘটে ৷ কাৰণ বেছিকৈ মিঠাই খোৱাৰ ফলত আপোনাৰ স্বাস্থ্যৰ ক্ষতি যথেষ্ট ক্ষতি হ’ব পাৰে ৷ যদি আপুনি মিঠাই খাবলৈ ভাল পায়, তেন্তে প্ৰথমে জানি লওক যে বেছিকৈ মিঠাই খালে আপোনাৰ কেনেধৰণৰ ক্ষতি হ’ব পাৰে ৷
১/ যকৃতৰ ক্ষতি
মিঠাই খোৱাৰ পূৰ্বে জানি লওক যে চেনি আপোনাৰ তেজলৈ পোৱাৰ আগতে লিভাৰৰ মাজেৰে পাৰ হৈ যায় ৷ চেনি ভাঙি পেলোৱাৰ বাবে যকৃত দায়ী ৷ এনে পৰিস্থিতিত যদি আপুনি অধিক মিঠাই খায় তেন্তে আপোনাৰ যকৃতে চেনি প্ৰক্ৰিয়াকৰণ আৰু চৰ্বিলৈ ৰূপান্তৰিত কৰিবলৈ অধিক কষ্ট কৰিবলগীয়া হয় ৷ একে সময়তে যকৃতত বহুতো চৰ্বিৰ কণা থাকি যায়, যাৰ ফলত ফেটি লিভাৰৰ সৃষ্টি হয় ৷
২/ ওজন বৃদ্ধি হয়
বিজয়া দশমীৰ পৰা দীপাৱলীলৈকে বহুলোকে মিঠাই সেৱন কৰে ৷ এনে পৰিস্থিতিত আপোনাৰ শৰীৰত প্ৰ’টিন আৰু স্বাস্থ্যকৰ চৰ্বি, ভিটামিন, খনিজ পদাৰ্থ বা এনজাইমৰ তীব্ৰ অভাৱ দেখা যায় ৷ কাৰণ মিঠাই এই সকলোবোৰ পদাৰ্থ পোৱা নাযায় ৷ মিঠাইত বেছিভাগ কেলৰি থাকে ৷ উৎসৱৰ বতৰত অধিক মিঠাই খোৱাৰ বাবে আপোনাৰ ওজন দ্ৰুতগতিত বৃদ্ধি পাব পাৰে আৰু আপুনি মেদবহুলতাৰ ভুগিব পাৰে ৷
৩/ ৰক্তশৰ্কৰাৰ মাত্ৰাৰ উঠা-নমা
উৎসৱৰ সময়ত বেছিকৈ মিঠাই খালে কিছু সময়ৰ বাবে আপোনাৰ ৰক্তশৰ্কৰাৰ মাত্ৰা বাঢ়ি গৈ থাকিব ৷ ৰক্তশৰ্কৰাৰ মাত্ৰা দ্ৰুতগতিত হ্ৰাস পোৱাটো স্বাস্থ্যৰ বাবে ভাল লক্ষণ নহয় ৷ ৰক্তশৰ্কৰাৰ উঠা-নমা হ’লে উদ্বেগ, মেজাজৰ দোলাচল, মূৰৰ বিষ আদি সমস্যাৰ সৃষ্টি হ’ব পাৰে ৷
লগতে পঢ়ক: Health Tips: খালী পেটত চাহ খায় নেকি ? তেন্তে ইয়াৰ ক্ষতিকাৰক দিশসমূহৰ বিষয়ে জানি লওক
