ওদালগুৰি,25 মেঃ ফেচবুক প্ৰেমৰ ভয়ংকৰ পৰিণতি ৷ ওদালগুৰি আৰক্ষী থানাত চাকৰি সূত্ৰে কৰ্মৰত লখিমপুৰৰ আতাউৰ ৰহমান নামৰ যুৱকজনে দুবছৰ পূৰ্বে ফেচবুকত চিনাকী হয় বাইহাটা চাৰিআলিৰ এগৰাকীৰ যুৱতীৰ সৈতে। প্ৰথমে প্ৰেম তাৰ পিচতে যুৱকক বিয়াৰ প্ৰস্তাব দিয়ে যুৱতীগৰাকীয়ে ৷
কিন্তু প্ৰেমিকৰ মন সলনি হৈ বিয়া পাতিবলৈ অমান্তি হোৱাত পোহৰলৈ আহে সকলো সত্য ৷ পূৰ্বতে বিয়া পতা আতাউৰ ৰহমান কিন্তু থমকি নৰ'ল যুৱতীৰ প্ৰেমত, চলাই গ'ল প্ৰেম ৷ কিন্তু সকলো জানিও তাৰমাজতে বিবাহিত আতাউৰৰ লগত পুনৰ বিয়াত বহিবলৈ মান্তি হয় যুৱতীগৰাকী ৷ আনহাতে আতাউৰেও গুৱাহাটীৰ নয়নপুৰৰ ভাড়াঘৰত ৰাখে প্ৰেমিকাক ৷ এনেতে প্ৰেমিকৰ মন সলনি হৈ প্ৰেমিকাক বিয়া নাপাতো বুলি জনায় ৷ প্ৰেমিকৰ এই সিদ্ধান্ত শুনি ওদালগুৰি আহি ওলাই আতাউৰৰ প্ৰেমিকা ৷ ওদালগুৰি ৰেল ষ্টেচনতে প্ৰেমিকৰ লগত তৰ্কত লিপ্ত হয় প্ৰেমিকা লগতে ইমানতে শান্ত নাথাকি হাৰপিক খাই আত্মহত্যাৰ চেষ্টা কৰে যুৱতীগৰাকীয়ে ৷
পৰৱৰ্তী সময়ত স্থানীয় ৰাইজে আতাউৰক কৰায়ত্ত কৰি আৰক্ষীক গতাই দিয়াৰ লগতে যুৱতীগৰাকীক ওদালগুৰি অসামৰিক চিকিৎসালয়ত ভৰ্তি কৰায় ৷ বৰ্তমান সংকটমুক্ত যুৱতীগৰাকী ৷
