তিনিচুকীয়া, 24 অক্টোবৰঃ অব্যাহত আছে নিষিদ্ধ ঘোষিত বিদ্ৰোহী সংগঠন আলফা স্বাধীনৰ খহনীয়া ৷ বৃহস্পতিবাৰে তিনিচুকীয়াৰ লেখাপানীত আত্মসমৰ্পণ দুই আলফা কেডাৰৰ ৷ আত্মসমৰ্পণকাৰী আলফা সদস্য দুয়োগৰাকী ক্ৰমে বৰডুমচাৰ মিহলিৰিতু গাঁৱৰ লুহিত অসম ওৰফে বিজিত ক্ৰান্তি বৰা আৰু ৰাজগড় টিংখাঙৰ ৰাণা অসম ওৰফে প্ৰাঞ্জল কটকী ৷ লেখাপানী আৰক্ষী, 210 কোব্ৰা, ৬৮ চিৰপিএফ, ৯ৰাজ ৰাইফলচ আৰু ২১ পেৰা ফৰ্চৰ যৌথ অভিযানত আত্মসমৰ্পণ কৰিবলৈ সক্ষম হৈছে আলফা সদস্য দুয়োগৰাকী ৷
আত্মসমৰ্পনকাৰী দুই আলফা সদস্যৰ পৰা আৰক্ষীয়ে জব্দ কৰে দুটা MQ81 ৰাইফল, দুটা AK চিৰিজৰ মেগজিন সহ 40 ৰাউণ্ড সক্ৰিয় গুলি ৷
