তিনিচুকীয়াৰ কংগ্ৰেছ ভৱনত শ্ৰদ্ধাঞ্জলি অনুষ্ঠান

প্ৰাক্তন মুখ্যমন্ত্ৰী তৰুণ গগৈৰ আত্মাৰ সদগতি কামনাৰ্থে তিনিচুকীয়াৰ কংগ্ৰেছ ভৱনত আয়োজিত শ্ৰদ্ধাঞ্জলি অনুষ্ঠান ৷ এই অনুষ্ঠানত অংশগ্ৰহণ দলীয় নেতা-কৰ্মীৰ লগতে স্থানীয় ৰাইজৰ ৷

তিনিচুকীয়া,24 নৱেম্বৰ: দীৰ্ঘদিন ধৰি জিএমচিএইচৰ আইচিইউত চিকিৎসাধীন হৈ থকা প্ৰাক্তন মুখ্যমন্ত্ৰী তথা বৰ্ষীয়ান ৰাজনীতিবিদ তৰুণ গগৈয়ে সোমবাৰে ইহলীলা সম্বৰণ কৰে ৷ কংগ্ৰেছৰ জ্যেষ্ঠ নেতা তথা একাধাৰে তিনিটাকৈ কাৰ্যকাল ৰাজ্যৰ মুখ্যমন্ত্ৰীৰ আসন অলংকৃত কৰা নেতাগৰাকীৰ মৃত্যুৱে স্বাভাবিকতে সকলোকে শোকস্তব্ধ কৰি তোলে ৷

জনপ্ৰিয় নেতাগৰাকীৰ বিদেহী আত্মাৰ সদগতি কামনাৰে মঙলবাৰে তিনিচুকীয়াৰ জিলা কংগ্ৰেছ ভৱনত কংগ্ৰেছ কমিটিৰ বিষয়ববীয়া তথা কৰ্মীসকলে এক শ্ৰদ্ধাঞ্জলি অনুষ্ঠানৰ আয়োজন কৰে ৷ অনুষ্ঠানত উপস্থিত কৰ্মীসকলে প্ৰাক্তন মুখ্যমন্ত্ৰীগৰাকীৰ ফটোত পুষ্পাঞ্জলি প্ৰদান কৰাৰ লগতে বন্তি প্ৰজ্বলন কৰি শেষ শ্ৰদ্ধা জ্ঞাপন কৰে ৷

লগতে চাওকঃ তৰুণ গগৈৰ মৃত্যুত আৱেগিক প্ৰাক্তন শিক্ষামন্ত্ৰী প্ৰেমধৰ বৰা