তিনিচুকীয়া, ৯ জানুৱাৰী: তিনিচুকীয়া জিলা উন্নয়ন সমিতিৰ চলিত মাহৰ বৈঠক সোমবাৰে জিলা উপায়ুক্ত কাৰ্যালয়ৰ সভাকক্ষত অনুষ্ঠিত হয় (Review meeting in Tinsukia)। এই সভাখনৰ সঞ্চালনা কৰে উপায়ুক্ত নৰসিং পাৱাৰে (DC of Tinsukia Narsing Pawar)। জিলাখনৰ উন্নয়ন সমিতিৰ বৈঠকত পঞ্চায়ত আৰু গ্ৰামোন্নয়ন,বন, কৃষি, পশুপালন, মীন, স্বাস্থ্য, শিক্ষা, পৰিবহণ, লোকনিৰ্মাণ পথ, লোকনিৰ্মাণ গৃহ, জলসম্পদ, জলসিঞ্চন, ৰেচম, হস্ততাঁত-বস্ত্ৰশিল্প আদিৰ বিষয়ে আলোচনা কৰা হয় । উক্ত বৈঠকখনত জিলাখনৰ সকলো উন্নয়নী বিভাগৰ বিষয়া আৰু প্ৰতিনিধিসকল উপস্থিত থাকে ।
জিলা উপায়ুক্ত নৰসিং পৱাৰে প্ৰধানমন্ত্ৰী আৱাস যোজনা (গ্ৰামীণ), মহাত্মা গান্ধী ৰাষ্ট্ৰীয় নিয়োগ নিশ্চিতকৰণৰ অধীনত ৰূপায়ন হৈ থকা আচঁনিৰ অগ্ৰগতিৰ বিষয়ে বুজ লয় (Mahatma Gandhi National Employment Guarantee)। তদুপৰি অমৃত সৰোবৰ আচঁনিৰ (Amrit Sarovar scheme) অগ্ৰগতিৰ লগতে প্ৰধানমন্ত্ৰী ফচল বীমা যোজনা, জল-জীৱন মিছন (Jal Jeevan Mission), প্ৰধানমন্ত্ৰী কিষাণ সন্মান নিধি, ধান ক্ৰয়ৰ অগ্ৰগতিৰ সম্পৰ্কেও বুজ লয় । লগতে অন্যান্য বিভিন্ন আঁচনিৰ কাম-কাজৰ অগ্ৰগতি সন্দৰ্ভতো আলোচনা কৰা হয় ।
উপায়ুক্ত নৰসিং পাৱাৰে মহাত্মা গান্ধী ৰাষ্ট্ৰীয় গ্ৰামীণ নিয়োগ নিশ্চিতকৰণৰ অধীনত জিলাখনত দীৰ্ঘম্যাদী সম্পদ সৃষ্টিৰ বাবে আচঁনি যুগুতাৱলৈ খণ্ড উন্নয়ন বিষয়াসকলক আহ্বান জনায় । ইয়াৰ লগতে অগৰু, চোম আৰু চন্দন গছৰ পুলি ৰোপণৰ বাবে যাৱতীয় পৰিকল্পনা প্ৰস্তুত কৰিবলৈ উপায়ুক্তগৰাকীয়ে খণ্ড উন্নয়ন বিষয়াসকলক নিৰ্দেশ দিয়ে ।
