ডুমডুমা, ১৪ ফেব্ৰুৱাৰী: দেওবাৰে লখিমপুৰ লোকসভা সমষ্টিৰ সাংসদ প্ৰদান বৰুৱাই তিনিচুকীয়া জিলাৰ ডুমডুমৰ পৰা ফিল'বাৰীলৈ সংযোগী মুখ্য পথৰ নিৰ্মাণ কাৰ্যৰ আধাৰশিলা স্থাপন কৰে । লোকনিৰ্মাণ বিভাগ তিনিচুকীয়া, ডুমডুমা আৰু শদিয়া ক্ষেত্ৰীয় পথ সংমণ্ডলৰ আৰ.আই.ডি.এফ আৰু পথ নিৰ্মাণৰ আঁচনি ‘চিগনেছাৰ আঁচনি’ৰ অধীনত ডুমডুমৰ পৰা ফিল'বাৰীলৈ দুই লেনযুক্ত পথ নিৰ্মাণ কৰা হ'ব । প্ৰায় ১৮ কোটি ৭৫ লাখ ব্যয় সাপেক্ষে এই পথচোৱা নিৰ্মাণ কৰা হ'ব ।
ডুমডুমা-ফিল'বাৰী সংযোগী মুখ্য পথটো দুই লেনযুক্তভাৱে নিৰ্মানৰ আধাৰশিলা স্থাপন হোৱাত ফিল'বাৰীবাসীৰ দীৰ্ঘদিনীয়া সমস্যা সমাধান হ'ব বুলি আশা কৰা হৈছে । লগতে শীঘ্ৰেই নিৰ্মাণ কাৰ্য আৰম্ভ হ'ব ডুমডুমা-ফিল'বাৰী সংযোগী দুই লেনযুক্ত পথৰ ।
আধাৰশিলা স্থাপনৰ পাছতেই ফিল'বাৰী গাভৰুভেটি ৰাস মঞ্চত এখন সভা অনুষ্ঠিত কৰা হয় । উক্ত সভাত লখিমপুৰ লোকসভা সমষ্টিৰ সাংসদ প্ৰদান বৰুৱাৰ লগতে ডুমডুমা সমষ্টিৰ সাংসদ প্ৰতিনিধি মুলেন্দ্ৰ মৰাণ, বিজেপি নেতা দেৱজিত মৰাণৰ লগতে বহুসংখ্যক বিজেপি কৰ্মকৰ্তা উপস্থিত থাকে । ইফালে, সাংসদ গৰাকীক বহুসংখ্যক দলীয় কৰ্মকৰ্তাই ডুমডুমাৰ পৰা ফিল'বাৰীলৈ এক বাইক ৰেলীৰে আদৰণি জনায় ।
লগতে পঢ়ক:নিৰ্মাণৰ পাচতেই চপৰা-চপৰে খহিছে পথ
