কাকপথাৰ,১৬ এপ্ৰিলঃ ৰাজ্যত বিহুৰ উলহ-মালহ পৰিৱেশ চলি থকাৰ সময়তে কাকপথাৰৰ লাজুম পথাৰত সংঘটিত হয় পথ দুৰ্ঘটনা । AS-23L-7173 নম্বৰৰ এখন ইয়ন বাহনে মটৰ চাইকেল এখনক পিছফালৰ পৰা খুন্দিওৱাৰ ফলত গুৰুতৰভাবে আহত হয় দুজন লোক। চেঙেলী চুতীয়া গাৱঁৰ সঞ্জয় চুতীয়া আৰু মাইথংৰ বিকাশ মহন নামৰ লোক দুজন গুৰুতৰভাৱে আহত হয় দুৰ্ঘটনাটোত। আহত ব্যক্তি দুজনক পিচত উন্নত চিকিৎসাৰ বাবে তিনিচুকীয়া অসামৰিক চিকিৎসালয়লৈ প্ৰেৰণ কৰা হয়। স্থানীয় লোকৰ মতে ইয়ন বাহনখনৰ চালকজনে অতিৰিক্ত মদ্য পান কৰাৰ ফলতেই এনে ঘটনা সংঘটিত হয় । ঘটনা সন্দৰ্ভত ইতিমধ্যেই আৰক্ষীয়ে ইয়ন বাহনৰ চালকক আটক কৰি তদন্ত আৰম্ভ কৰিছে।
কাকপথাৰত পথ দুৰ্ঘটনাত আহত দুজন
