ডুমডুমা, 18 জানুৱাৰীঃ 16 জানুৱাৰীৰ পৰা সন্ধানহীন তিনিচুকীয়া জিলাৰ, ফিল'বাৰী বামুনগাঁৱৰ মহৎ কলিতা নামৰ এগৰাকী 55 বছৰীয়া লোক ৷ উল্লেখ্য যে, সন্ধানহীন লোকজনে 16 জানুৱাৰীত গুৱাহাটীৰ সম্বন্ধীয় বায়েকৰ ঘৰৰ পৰা অৱধ আসাম ৰে'লেৰে তিনিচুকীয়ালৈ বুলি যাত্ৰা কৰিছিল ৷ কিন্তু লামডিঙৰ পৰা মহৎ কলিতাই ব্যৱহাৰ কৰা ৯৯৫৪০৫৫৪১৮ নম্বৰৰ মোবাইলত তেওঁৰ সৈতে যোগাযোগ নোহোৱা হয় ৷
পৰিয়ালৰ লোকে আত্মীয়ৰ লগতে বিভিন্ন জনৰ সৈতে যোগাযোগ কৰে যদিও মহৎ কলিতাৰ কোনো সন্ধান নোপোৱাত, পুত্ৰ ফটিক কলিতাই ফিল'বাৰী আৰক্ষী থানাত নিৰুদ্দেশ সম্পৰ্কে এখন এজাহাৰ দাখিল কৰে । যাত্ৰীবাহী ৰে'লৰ পৰা মহৎ কলিতাৰ নিৰুদ্দেশৰ ঘটনাই পৰিয়ালৰ লোকসকলক চিন্তিত কৰি তুলিছে ৷ কোনো লোকে মহৎ কলিতাৰ সম্ভেদ লাভ কৰিলে 8471860192 নম্বৰত যোগাযোগ কৰিবলৈ অনুৰোধ জনাইছে পৰিয়ালৰ লোকে ৷
লগতে পঢ়কঃ বঢ়মপুৰত আটক দুই সন্দেহজনক যুৱক
