ডিগবৈত সংঘটিত হৈছে চাঞ্চল্যকৰ ডকাইতি কাণ্ড

ডিগবৈৰ বগাপানী কলনিৰ নিৰুপমা পেট্ৰ’ল পাম্পত তেল ভৰোৱাৰ চলেৰে প্ৰৱেশ কৰে প্ৰায় বাৰজনীয়া ডকাইতৰ এটা দলে ৷ পেট্ৰ’ল পাম্পটোৰ স্বত্বাধিকাৰী উৎপল বৰশইকীয়াই টকা দিবলৈ অমান্তি হোৱাত মাৰ পিত কৰি হাতত লৈ অহা মাৰণাস্ত্ৰ প্ৰদৰ্শন কৰি মালিক আৰু কৰ্মচাৰীৰ পৰা প্ৰায় এক লাখ পঞ্চাশ হাজাৰ টকা লুটি লৈ যায় ডকাইটৰ দলটোৱে ৷

ডিগবৈ, 9 নৱেন্বৰঃ ডিগবৈত সংঘটিত হৈছে চাঞ্চল্যকৰ ডকাইতি কাণ্ড ৷ ডিগবৈৰ বগাপানী কলনিৰ নিৰুপমা পেট্ৰ’ল পাম্পত তেল ভৰোৱাৰ চলেৰে প্ৰৱেশ কৰে প্ৰায় বাৰজনীয়া ডকাইতৰ এটা দলে ৷ ডকাইত কেইজনৰ ছয়জনে তেল ভৰাবলৈ বুলি পাম্পৰ কাষ চপাৰ বিপৰীতে বাকীকেইজনে স্বত্বাধিকাৰীৰ কাষ চাপি গৈ টকা দাবী কৰে ৷ পেট্ৰ’ল পাম্পটোৰ স্বত্বাধিকাৰী উৎপল বৰশইকীয়াই টকা দিবলৈ অমান্তি হোৱাত মাৰপিট কৰি হাতত লৈ অহা মাৰাণাস্ত্ৰ প্ৰদৰ্শন কৰি মালিক আৰু কৰ্মচাৰীৰ পৰা প্ৰায় এক লাখ পঞ্চাশ হাজাৰ টকা লুট কৰি লৈ যায় ৷

ইতিমধ্যে ঘটনাস্থলীত মহকুমা আৰক্ষী বিষয়া আৰু ডিগবৈ আৰক্ষী বিষয়া উপস্থিত হৈ ডকাইতৰ দলটোক কৰায়ত্ত কৰিবলৈ অভিযান অব্যাহত ৰাখিছে ৷ আনহাতে, ডকাইতি কাণ্ডটো সংঘটিত কৰিয়েই দলটোৱে তিনিচুকীয়াৰ দিশে যোৱা বুলি জানিবলৈ দিয়ে স্বত্বাধিকাৰী উৎপল বৰশইকীয়াই ৷