শদিয়া, 14 এপ্ৰিল : কাকপথাৰৰ 1 নং বৰালি গাঁৱৰ এজন যুৱক সন্ধানহীন হৈ আছে বাংগালুৰুত (Assam youth missing in Bengaluru)৷ দুটিকৈ সন্তানৰ পিতৃ মুকুট মৰাণ(26) নামৰ যুৱকজনে কামৰ সন্ধানত চেন্নাইৰ পৰা বাংগালুৰুলৈ যোৱাৰ পথৰ পৰা পৰিয়ালৰ লগত যোগাযোগ বিচ্ছিন্ন হৈ পৰা বুলি পৰিয়ালৰ লোকে জানিবলৈ দিছে ৷
বহিঃৰাজ্যত নিৰুদ্দেশ কাকপথাৰৰ যুৱক
যোৱা ১১ এপ্ৰিলৰ নিশা লগৰ ৪ জনৰ সৈতে বাছত গৈ থকাৰ অৱস্থাতে সন্ধানহীন হৈ পৰে যুৱকজন ৷ ইতিমধ্যে যুৱকজন সন্ধাহীনৰ সন্দৰ্ভত পৰিয়ালৰ লোকে কাকপথাৰ আৰক্ষী থানাত এজাহাৰ দাখিল কৰিছে ৷ কোনো লোকে যুৱকজনৰ সন্ধান পালে 6002273933 অথবা 6000051273 নম্বৰত যোগাযোগ কৰিবলৈ যুৱকজনৰ পত্নী অনিতা মৰাণৰ লগতে পৰিয়ালৰ লোকে আহ্বান জনাইছে ৷
লগতে পঢ়ক: জি এম চি এইছৰ পৰা নিৰুদ্দেশ ৭ মহীয়া শিশু
