তিনিচুকীয়াত অসম জাতীয়তাবাদী যুৱ-ছাত্ৰ পৰিষদৰ বিশেষ সভা

সভাত তিনিচুকীয়া জিলা সমিতিৰ নৰেন্দ্ৰ শইকীয়া আৰু মনিকান্ত মৰাণৰ লগতে দুজন উপদেষ্টা আৰু কাৰ্যনিৰ্বাহক সদস্য বানেশ্বৰ মৰাণক আনুষ্ঠানিকভাৱে বিদায়ী সম্ভাষণ জনোৱা হয় ৷ তিনিওজন বিদায়ী নেতাই অসম জাতীয় পৰিষদত যোগদান কৰা সকলক পূৰ্বৰ দাবীসমূহ পূৰণ কৰিবলৈ আহ্বান জনায় ৷

তিনিচুকীয়া,15 ফেব্ৰুৱাৰী: সোমবাৰে তিনিচুকীয়া চহৰৰ মাজমজিয়াত থকা বিষ্ণুজ্যোতি সংগীত মহাবিদ্যালয়ৰ সভাগৃহত অসম জাতীয়তাবাদী যুৱ-ছাত্ৰ পৰিষদ তিনিচুকীয়া জিলা সমিতিয়ে অনুষ্ঠিত কৰে আদৰণি আৰু বিদায় সভা ৷ সভাত তিনিচুকীয়া জিলা সমিতিৰ নৰেন্দ্ৰ শইকীয়া আৰু মনিকান্ত মৰাণৰ লগতে দুজন উপদেষ্টা আৰু কাৰ্যনিৰ্বাহক সদস্য বানেশ্বৰ মৰাণক আনুষ্ঠানিকভাৱে বিদায়ী সম্ভাষণ জনোৱা হয় ৷

তিনিচুকীয়া অসম জাতীয়তাবাদী যুৱ-ছাত্ৰ পৰিষদৰ আদৰণি আৰু বিদায় সভা

তিনিচুকীয়া জিলা সমিতি, তিনিচুকীয়া আঞ্চলিক আৰু শাখা সমিতিয়ে আটাইকেইজনকে একোখনকৈ ফুলাম গামোচা, এখন চেলেং চাদৰ আৰু একোখনৈ সঁফোৰা আৰু সম্বৰ্ধনা পত্ৰেৰে বিদায় সম্ভাষণ জনায় ৷ সভাত তিনিওজন বিদায়ী নেতাই অসম জাতীয় পৰিষদত যোগদান কৰা সকলক পূৰ্বৰ দাবীসমূহ পূৰণ কৰিবলৈ আহ্বান জনায় ৷

আনহাতে কেন্দ্ৰীয় সমিতিলৈ উপ-সভাপতি হিচাপে নিৰ্বাচিত হোৱা কন গগৈ আৰু যুটীয়া সম্পাদক সুৰজিৎ মৰাণক তিনিচুকীয়া জিলা সমিতিৰ আৰু তিনিচুকীয়া জিলাৰ আঞ্চলিক আৰু শাখা সমিতিয়ে ফুলাম গামোচা,চেলেং চাদৰ আৰু একোখনৈ সঁফোৰা প্ৰদান কৰি আদৰণি জনায় । উক্ত সভাত কেন্দ্ৰীয় সমিতিৰ বিষয়-ববীয়াৰ লগতে তিনিচুকীয়া জিলাৰ বিভিন্ন আঞ্চলিক আৰু শাখা সমিতিৰ সদস্য সকল উপস্থিত থাকে ৷

লগতে পঢ়কঃ বাৰেৰহণীয়া কৃষ্টি-সংস্কৃতিৰে 47 সংখ্যক কাৰ্বি মহোৎসৱ আৰম্ভ