মুখ্যমন্ত্ৰীক সকিয়নী ডাঙৰী আঞ্চলিক ছাত্ৰ সন্থাৰ

দেওবাৰে শুৱালকুচি আৰু তেজপুৰ ছাত্ৰ সন্থাই লোৱা গণতান্ত্ৰিক কায্যসূচীত আৰক্ষীৰ বাধা প্ৰদান কাৰ্যক তীব্ৰ ভাষাৰে গৰিহনা দিয়াৰ লগতে তালাপ বাজৰৰ ৩৭ নং ৰাষ্ট্ৰীয় ঘাইপথৰ মাজমজিয়াত সোমবাৰে ডাঙৰী আঞ্চলিক ছাত্ৰ সন্থায়েও মুখ্যমন্ত্ৰী সৰ্বানন্দ সোণোৱালৰ প্ৰতিকৃতি দাহ কাৰ্যসূচী ৰূপায়ন কৰে ৷

শদিয়া, 2 ফেব্ৰুৱাৰী : পুনৰ ৰাজপথলৈ ওলাই আহিছে সদৌ অসম ছাত্ৰ সন্থা ৷ আছুৰ কেন্দ্ৰীয় সমিতিৰ আহ্বান মৰ্মে সোমবাৰে সমগ্ৰ অসমতে গৃহ বিভাগৰ দায়িত্বত থকা মুখ্যমন্ত্ৰী সৰ্বানন্দ সোণোৱালৰ প্ৰতিকৃতি দাহ কাৰ্যসূচী ৰুপায়ণ কৰা হয় ৷

ৰাজ্যৰ বিভিন্ন প্ৰান্তৰ লগতে তালাপ বাজৰৰ ৩৭ নং ৰাষ্ট্ৰীয় ঘাইপথৰ মাজমজিয়াত সোমবাৰে ডাঙৰী আঞ্চলিক ছাত্ৰ সন্থাইও মুখ্যমন্ত্ৰী সৰ্বানন্দ সোণোৱালৰ প্ৰতিকৃতি দাহ কাৰ্যসূচী ৰূপায়ন কৰে ৷

উল্লেখযোগ্য যে, দেওবাৰে শুৱালকুচি আৰু তেজপুৰ ছাত্ৰ সন্থাই লোৱা গণতান্ত্ৰিক কায্যসূচীত আৰক্ষীয়ে বাধা প্ৰদান কৰাৰ লগতে ছাত্ৰ সন্থাৰ সদস্যসকলক প্ৰহাৰ কৰিছিল ৷ সেই মৰ্মে অসম চৰকাৰৰ এই কাৰ্যক প্ৰতিবাদ জনাই সদৌ অসম ছাত্ৰ সন্থাই সমগ্ৰ অসমতে আঞ্চলিক পয্যায়ত এই প্ৰতিবাদী কায্যসূচী হাতত লয় ৷

আনহাতে, আগুন্তুক দিনত এনে কাৰ্যৰ পৰা বিৰত থাকিবলৈ অসম চৰকাৰক সকিয়নী প্ৰদান কৰে তিনিচুকীয়া জিলাৰ সহকাৰী সাধাৰণ সম্পাদক পুহেস্বৰ সোনোৱালে ৷

লগতে পঢ়ক : চাৰিদুৱাৰত গাড়ী চালকক গুলিয়াই হত্যা,গাড়ী লৈ উধাও দুৰ্বৃত্ত