তেজপুৰ, 12 ফেব্ৰুৱাৰী : অৰুণাচল প্ৰদেশৰ কামেং চেক্টৰত প্ৰাণ হেৰুওৱা সাতজন শ্বহীদ সেনা জোৱানক শনিবাৰে তেজপুৰ বায়ুসেনাৰ ঘাটিত জনোৱা হয় শেষ শ্ৰদ্ধা (Wreath laying ceremony of seven army personnel) ৷ কৰ্তব্যৰত অৱস্থাত প্ৰাণ হেৰুওৱা বীৰ শ্বহীদ জোৱান কেইজন হৈছে হাবিলদাৰ যুগল কিশোৰ শৰ্মা, গানাৰ গুৰ্বাজ সিং, ৰাইফলমেন অৰুণ কাত্তাল, বিশাল শৰ্মা, অংকেশ ভাৰদ্বাজ, অক্ষয় পাথনিয়া আৰু ৰাকেশ সিং ৷
তেজপুৰ বেচ প্ৰতিৰক্ষা বাহিনীৰ মুখপাত্ৰ লে: কৰ্ণেল হৰ্ষ বৰ্ধন পাণ্ডেয়ে উল্লেখ কৰ মতে, শনিবাৰে বীৰ শ্বহীদ কেইগৰাকীক জেনেৰেল কামাণ্ডিং অফিচাৰ ৰাভিন খ'চলা, UYSM, AVSM, SM, VSM আৰু অন্যান্য সেনা জোৱানসকলে শেষ শ্ৰদ্ধাঞ্জলি অৰ্পন কৰে ৷ এই অনুষ্ঠানৰ পাচতেই তেজপুৰ বায়ুসেনাৰ ঘাটিৰ (Tezpur Air Force Station) পৰা শ্বহীদ জোৱানকেইগৰাকীৰ নশ্বৰদেহ প্ৰেৰণ কৰা হয় তেওঁলোকৰ নিদিৰ্ষ্ট জন্মস্থানলৈ ৷
উল্লেখ্য যে, অৰুণাচল প্ৰদেশৰ কামেং চেক্টৰত ভাৰত চীন সীমান্তৰ তহলদাৰী এটা দলৰ ৭ গৰাকী জোৱান ৬ ফেব্ৰুৱাৰীত প্ৰচণ্ড হিমবাহৰ কৱলত পৰি ১৪,৫০০ ফুট উচ্চতাত (High Altitude area of Kameng Sector in Arunachal Pradesh) সন্ধানহীন হৈ আছিল । সেনাৰ উদ্ধাৰকাৰী দলে প্ৰায় দুদিনযোৰা অভিযানৰ পাছত মঙলবাৰে তেওঁলোকৰ মৃতদেহ উদ্ধাৰ কৰে (Jawans died in Arunachal avalanche) ৷
লগতে পঢ়ক : তেজপুৰৰ পৰা নতুন দিল্লীলৈ নিয়া হ’ল অৰুণাচলত নিহত বীৰ জোৱানৰ মৃতদেহ
