তেজপুৰ, 2 অক্টোবৰঃ ঢেকিয়াজুলিৰ শিঙৰীত চাঞ্চল্যকৰ ডকাইতি কাণ্ড ৷ শাৰদীয় দূৰ্গা পুজাৰ প্ৰাকক্ষণত শোণিতপুৰ জিলাৰ ঢেকিয়াজুলিৰ শিঙৰীত সংঘটিত হ’ল চাঞ্চল্যকৰ ডকাইতি কাণ্ড ৷ এজন ব্যৱসায়ীক পিষ্টল দেখুৱাই দুৰ্বৃত্তই লুটিলে বৃহৎ পৰিমাণৰ ধন ৷ মঙলবাৰে নিশা 10 মান বজাত সংঘটিত হয় এই ডকাইতি কাণ্ড ৷ লগতে ব্যৱসায়ীজনৰ ম'বাইলসহ বাইকৰ চাবি পৰ্যন্ত কাঢ়ি লৈ যায় দুৰ্বত্তৰ দলটোৱে ৷ ঘটনা সন্দৰ্ভত ইতিমধ্যেই আৰক্ষীক অৱগত কৰিছে ব্যৱসায়ীজনে ৷ ঘটনাস্থলীত শিঙৰী আৰক্ষী উপস্থিত হৈ অনুসন্ধান আৰম্ভ কৰিছে ৷
শিঙৰীত হিন্দী ছবিৰ কাইদাৰে ডকাইতি
