চেন্নাই : ভাৰত আৰু ইংলেণ্ডৰ মাজৰ চলিত টি-২০ শৃংখলাৰ দ্বিতীয়খন টি-২০ মেচ শনিবাৰে চেন্নাইৰ এম এ চিদাম্বৰম ষ্টেডিয়ামত অনুষ্ঠিত হ'ব । প্ৰথমখন টি-২০ত আলহী দলটোক অনায়াসে পৰাস্ত কৰাৰ পিছত আয়োজক দলটোৰ মনোবল তুংগত আছে । কিন্তু শৃংখলাৰ দ্বিতীয়খন টি-২০ মেচৰ কেইঘণ্টামান পূৰ্বে ভাৰতীয় দলটো এক মোক্ষম আঘাতৰ সন্মুখীন হ'বলগা হয় । প্ৰথমখন টি-২০ মেচত বিধ্বংসী বেটিঙেৰে আলোড়নৰ সৃষ্টি কৰা টীম ইণ্ডিয়াৰ বিস্ফোৰক বেটছমেনজন আঘাতপ্ৰাপ্ত হৈছে ।
আঘাতপ্ৰাপ্ত অভিষেক শৰ্মা
ইংলেণ্ডৰ বিৰুদ্ধে টি-২০ শৃংখলাৰ দ্বিতীয়খন মেচৰ পূৰ্বে ভাৰতৰ সোঁহতীয়া বিস্ফোৰক অপেনাৰ অভিষেক শৰ্মা আঘাতপ্ৰাপ্ত হৈছে । টীম ইণ্ডিয়াৰ অনুশীলনৰ সময়ত তেওঁ কেছ ধৰাৰ অনুশীলন কৰি থকাৰ সময়ত গোৰোহাত মোচোকা খায় । ফলত অভিষেকক খেলপথাৰতে বহি বেদনাত কাতৰ হোৱা দেখা গৈছিল । আনহাতে, আঘাতৰ পিছত দলটোৰ ফিজিঅ'থেৰাপিষ্টে তেওঁক পৰীক্ষা কৰে আৰু বিশ্ৰাম দিবলৈ পেভিলিয়নলৈ লৈ যায় । ইয়াৰ পিছত অভিষেকে নেটত বেটিং অনুশীলন কৰিবলৈ খেলপথাৰলৈ উভতি অহা পৰিলক্ষিত নহ'ল ।
🚨 ABHISHEK SHARMA DOUBTFUL FOR 2ND T20I 🚨
— Tanuj Singh (@ImTanujSingh) January 24, 2025
- Abhishek Sharma's availablity for 2nd T20I Match vs England in doubtful. He twisted his right ankle in today's practice session. (Express Sports). pic.twitter.com/FljFokKScC
ইংলেণ্ডৰ বিৰুদ্ধে দ্বিতীয় মেচত খেলাৰ সম্ভাৱনা নাই
অৱশ্যে অভিষেক শৰ্মাৰ আঘাত কিমান গুৰুতৰ সেয়া এতিয়াও জানিব পৰা হোৱা নাই । তেওঁৰ আঘাত সন্দৰ্ভত বি চি চি আয়ে এতিয়ালৈকে কোনো আনুষ্ঠানিক বিবৃতি জাৰি কৰা নাই । কিন্তু আঘাতৰ পিছত তেওঁ যেতিয়া পেভিলিয়নলৈ উভতি গৈছিল তেতিয়া তেওঁক অলপ খোৰাই খোৰাই খোজকাঢ়ি যোৱা দেখা গৈছিল । যাৰ বাবে এইগৰাকী বিস্ফোৰক বেটছমেনে দ্বিতীয়খন টি-২০ মেচত খেলাটো কঠিন হিচাপে গণ্য কৰা হৈছে ।
আনহাতে, যদি অভিষেকে দ্বিতীয়খন মেচত খেলিব নোৱাৰে, তেন্তে মহম্মদ ছামীয়ে তেওঁৰ স্থানত মূল একাদশত স্থান লাভ কৰিব পাৰে ।
🚨 ABHISHEK SHARMA DOUBTFUL FOR 2ND T20I MATCH AGAINST ENGLAND 🚨
— Abhishek Sharma Fan 𝕏 (@Abhishek_Fan_) January 24, 2025
- Abhishek Sharma suffered an ankle injury during a practice session ahead of the second T20I Match.#AbhishekSharma | #INDvENG pic.twitter.com/pJF9UVoGRi
প্ৰথম টি-২০ত সংগ্ৰহ কৰিছিল বিস্ফোৰক অৰ্ধশতক
২৪ বছৰীয়া সোঁহতীয়া অপেনাৰগৰাকীয়ে ইংলেণ্ডৰ বিৰুদ্ধে প্ৰথমখন টি-২০ মেচত এক বিস্ফোৰক অৰ্ধশতক অৰ্জন কৰিছিল। তেওঁ মাত্ৰ ৩৪ টা বলত ৭৯ ৰাণৰ এক বিস্ফোৰক ইনিংছ দলক উপহাৰ দিয়ে । তেওঁৰ ইনিংছটো 8 টা ছয় আৰু 4 টা চাৰিৰে সজায়। তেওঁৰ এই বিধ্বংসী ইনিংছটোৰ বাবেই ভাৰতে ইংলেণ্ডক অনায়াসে 7 উইকেটত পৰাস্ত কৰি 5 খনীয়া মেচৰ টি-20 শৃংখলাটোত 1-0 ৰ অগ্ৰগতি লাভ কৰে ।
Abhishek Sharma weaving magic and how! 🪄
— BCCI (@BCCI) January 22, 2025
Follow The Match ▶️ https://t.co/4jwTIC5zzs #TeamIndia | #INDvENG | @IamAbhiSharma4 | @IDFCFIRSTBank pic.twitter.com/5xhtG6IN1F
