তেজপুৰ,৭ ছেপ্টেম্বৰ : তেজপুৰ জিলা পুথি ভঁৰালৰ প্ৰেক্ষাগৃহত সোমবাৰে অনুষ্ঠিত গাভৰু আৰু তেজপুৰ পৌৰ ব্লক কংগ্ৰেছৰ উদ্যোগত নতুন কৈ কংগ্ৰেছত যোগদান কৰা লোকৰ সভাত উপস্থিত থাকে কণ্ঠশিল্পী বাবু আৰু সহযোগী কেইজনমান শিল্পী । গাভৰু ব্লক কংগ্ৰেছৰ সভাপতি ফিৰোজ ৰহমানৰ সভাপতিত্বত অনুষ্ঠিত এই সভাত অংশ গ্ৰহণ কৰে প্ৰদেশ কংগ্ৰেছৰ সভাপতি ৰিপুন বৰা,উপ সভাপতি ৰকীবুল হুছেইন,সম্পাদক অপূৰ্ব ভট্টাচাৰ্য আৰু প্ৰাক্তন তেজপুৰ বিজেপিৰ সাংসদ ৰাম প্ৰসাদ শৰ্মাই অনুষ্ঠানত কংগ্ৰেছত যোগদান কৰা লোকক সম্বৰ্ধনা জনাই ।
বাবুয়ে কয় যে, "মই যোৱা ২৫ আগষ্টত কংগ্ৰেছত যোগদান কৰিছো আৰু কংগ্ৰেছৰ হকে কাম কৰি যাম ।"
তদুপৰি তেজপুৰত কন্ঠ শিল্পী বাবু বৰুৱাই কংগ্ৰেছৰ যোগদান সভাত "পেডেল মাৰি মাৰি" শীৰ্ষক গীত গাই কংগ্ৰেছত যোগদান কৰা সহস্ৰাধিক লোকক আপ্লুত কৰে ।
লগতে পঢ়ক: নলবাৰীৰ যুৱকে প্ৰস্তুত কৰি উলিয়ালে 40 কিল'গ্ৰাম ওজনৰ দুখনকৈ কিতাপ
