ৰঙাপৰা,22 জানুৱাৰী: বিজেপি নেতৃত্বাধীন চৰকাৰখনে অসমৰ সকলো গাঁৱতে সম্পূৰ্ণৰূপে বৈদ্যুতিকৰণ সম্পন্ন হোৱা বুলি ঢাক-ঢোল বজাই থকাৰ সময়তে এক বিপৰীত ছবি উন্মোচিত হৈছে শোণিতপুৰ জিলাৰ ঢেকিয়াজুলি বিধানসভা সমষ্টিত ৷ স্বাধীনতাৰ 73 বছৰ পাৰ হোৱাৰ পাচতো গৰুবন্ধা পঞ্চায়ত এলেকাৰ উত্তৰ মেজেংজুলি গাঁও খনৰ গাঁওবাসীয়ে আজিলৈকে লাভ নকৰিলে বিদ্যুৎ সেৱা ৷ কোনো এটা চৰকাৰী আঁচনিয়ে স্পৰ্শ কৰিব নোৱাৰিলে গাঁওখনক ৷ বছৰৰ পাচত বছৰ ধৰি কেৰাচিনৰ চাকি,লেম্প,মম বাতিৰ,চাৰ্জাৰ লাইট আদিৰ পোহৰেৰে দিন অতিবাহিত কৰি আহিছে গাঁওবাসীয়ে ৷
উল্লেখ্য যে,কেৰাচিনৰ অভাৱত মাজে মাজে অন্ধকাৰত থকা গাঁওবাসীক চৰকাৰৰ নেতা পালিনেতা অথবা জনপ্ৰতিনিধিয়ে বৈদ্যুতিকৰণ কৰাৰ প্ৰতিশ্ৰুতি দি আহিছে যদিও আজিকোপতি বৈদ্যুতিকৰণৰ আঁচনিয়ে ঢুকি নাপালে ঢেকিয়াজুলিৰ উত্তৰ মেজেংজুলি গাঁওখনক ৷ গাঁওখনৰ স্কুলীয়া ছাত্ৰ-ছাত্ৰী সকলেও পঢ়া শুনা কৰাক ক্ষেত্ৰত বছৰ বছৰ ধৰি অসুবিধাৰ সন্মূখীন হৈ আহিছে যদিও কোনো গুৰুত্ব নাই চৰকাৰ খনৰ ৷ স্থানীয় লোক সকলে বাৰাম্বাৰ বৈদ্যুতিকৰণ সন্দৰ্ভত বিভাগীয় কৰ্তৃপক্ষক আবেদন নিবেদন কৰি আহিছে যদিও কোনো ব্যৱস্থা গ্ৰহণ নকৰিলে ৷
লগতে পঢ়ক: শতবৰ্ষ গৰকা ডিমা হাছাওৰ এখন গাঁও
