তেজপুৰ,17 জুলাই : ৰাজ্যত ৰোধ কৰিব পৰা হোৱা নাই কৰ’ণা মহামাৰী ৷ প্ৰতিদিনে প্ৰায় বৃহসংখ্যক লোকৰ দেহত ধৰা পৰিছে ভাইৰাছবিধৰ উপস্থিতি ৷ অন্যান্য জিলাসমূহৰ দৰে শোণিতপুৰতো ধাৰাবাহিকভাৱে বৃদ্ধি পাইছে কৰ’ণা ৰোগীৰ সংখ্যা ৷ শুকুৰবাৰে জিলাখনৰ ন গৰাকী ব্যক্তিৰ দেহত ধৰা পৰিছে ভাইৰাছবিধৰ উপস্থিতি ৷ নতুনকৈ আক্ৰান্ত সকলৰ ভিতৰত চাৰিগৰাকী যুৱকে স্বাৱ পৰীক্ষাৰ পাচত কোৱাৰেণ্টাইনত নথকাৰ অভিযোগ উত্থাপিত হৈছে ৷
আনহাতে,আক্ৰান্ত এগৰাকী যুৱকে স্বাৱ পৰীক্ষাৰ পাচত কোৱাৰেণ্টাইনত থকাৰ বিপৰীতে বায়েকৰ সৈতে মহানগৰীলৈ যাত্ৰা কৰাৰ বিষয়ে সম্প্ৰতি জানিব পৰা গৈছে ৷ জিলাখনত কৰ’ণা ভাইৰাছত আক্ৰান্তৰ সংখ্যা বৰ্তমান 504 গৰাকীলৈ বৃদ্ধি পোৱাৰ বিপৰীতে আৰোগ্য লাভ কৰিছে 402 গৰাকী ব্যক্তিয়ে ৷ আক্ৰান্তসকলক ইতিমধ্যে তেজপুৰস্থিত চিকিৎসা মহাবিদ্যালয় হাস্পতালত ভৰ্তি কৰোৱা হৈছে ৷ ইয়াৰ পিছতো চহৰখনত একাংশ অসচেতন ব্যক্তিয়ে মাস্ক পৰিধান নকৰাৰ লগতে সামাজিক দূৰত্ব মানি নচলা পৰিলক্ষিত হৈছে ৷ যাৰ ফলত তেজপুৰত কৰ’ণা ভাইৰাছৰ গণ সংক্ৰমণৰ আশংকা অধিক প্ৰকট হৈ উঠিছে ৷
