তেজপুৰ, ২৩ এপ্ৰিল: কাজিৰঙা ৰাষ্ট্ৰীয় উদ্যান আৰু ব্যাঘ্ৰ প্ৰকল্পৰ বিগত সময়চোৱাত অৰ্থাৎ ২০২০ চনৰ অক্টোবৰ মাহৰ ২০ তাৰিখৰ পৰা এই বছৰৰ এপ্ৰিল মাহৰ ২১ তাৰিখৰ ভিতৰত মুঠ ১,৯৮,৫৯৫ গৰাকী পৰ্যটকৰ আগমন ঘটে । ইয়াৰ ভিতৰত ৫৭০ গৰাকী বিদেশী পৰ্যটক ।
ৰাষ্ট্ৰীয় উদ্যান খনত কৰ'ণাৰ ভয়াৱহ পৰিস্থিতিৰ পিছত এই ধৰণে পৰ্যটকৰ আগমন হয় যদিও পূৰ্বতকৈ বহু পৰিমাণে ৰাজহৰ সংখ্যা কম হৈছে । ৰাষ্ট্ৰীয় উদ্যান খনৰ এইবাৰ তিনিটা নতুন সংযোজন আৰম্ভ হৈছিল লগতে ব্ৰহ্মপুত্ৰৰ উত্তৰ পাৰত ভোমোৰা গুৰিত নদী পৰ্যটন ।
জানিব পৰা মতে একমাত্ৰ ক'ভিডৰ বাবে ৰাষ্ট্ৰীয় উদ্যান খনলৈ পৰ্যটকৰ সংখ্যা বহুখিনি কমি আহিছে । তাৰ বিপৰীতে ২০২০ চনৰ বেছিখিনি সময় ৰাষ্ট্ৰীয় উদ্যানখন সম্পূৰ্ণৰূপে বন্ধ হৈ পৰিছিল ।
