তেজপুৰ,26 জুন: অৰুণাচল প্ৰদেশৰ ৰাজধানী ইটানগৰৰ ইউপিয়াত সংঘটিত হৈছে ভয়ানক ভূমিস্খলন ৷ এই ভূমিস্খলনৰ দৃশ্য ম’বাইলৰ কেমেৰাত আৱদ্ধ হোৱাৰ লগতে দেখা গ’ল প্ৰাণৰ মমতাত দৌৰা-দৌৰি কৰি জীৱন বচোৱাৰ চেষ্টা কৰা আতংকিত প্রত্যক্ষদর্শীক ৷ এই ঘটনাৰ পৰা কথমপি ৰক্ষা পৰে বহুতো যান-বাহন । কিন্তু ভূমিস্খলনৰ ফলত বন্ধ হৈ পৰে ইউপিয়া-ইটানগৰ সংযোগী পথটো ৷
ইটানগৰ-ইউপিয়া সংযোগী পথত ভূমিস্খলন
বিগত কেইবাদিনো ধৰি পাহাৰীয়া ৰাজ্যখনত হৈ থকা ধাৰাসাৰ বৰষুণৰ ফলতে ইউপিয়াত এইদৰে খহি পৰে পাহাৰৰ মাটি ৷ উল্লেখ্য যে,বৃহস্পতিবাৰে ৰাজধানী চহৰখনৰ দৈনি কলনীত এটি শিশু ঘৰৰ ভিতৰত থকা অৱস্থাতে ভূমিস্খলন হোৱাত মৃত্যুমুখত পৰিছিল ৷ আনহাতে,আগুণৰ লগতে আগন্তুক তিনিদিনত অৰুণাচল আৰু উত্তৰ-পূৰ্বাঞ্চলৰ ৰাজ্যসমূহত প্ৰবল বৰষুণৰ সম্ভাৱনা থকাৰ কথা জানিবলৈ দিয়ে বতৰ বিজ্ঞান বিভাগে ৷
