আমগুৰি, 30 এপ্ৰিল : বিগত সময়ত ৰাজ্যত দেখা দিয়া ছোৱাইন ফ্লুৰ সংহাৰত মৃত্যুমুখত পৰিছিল বহুসংখ্যক গাহৰি ৷ কিন্তু এইবাৰ গাহৰি নহয়, ছাগলীৰ ক্ষেত্ৰতহে দেখা দিছে এণ্টাৰটক্সমিয়া ৰোগে(Entertoxmia disease spread among goats) ৷ যাৰ বাবে একপ্ৰকাৰ চিন্তিত হৈ পৰিছে ছাগলী পালকসকল ৷
আমগুৰিৰ বৰাহীবাৰীত প্ৰায়সংখ্যক লোকে পোহা ছাগলীৰ দেহত এনে ৰোগৰ অৱস্থিতি ধৰা পৰাত খবৰ দিয়া হৈছে পশু চিকিৎসকৰ লগতে বিভাগটোৰ সৈতে জড়িত বিশেষজ্ঞসকলক ৷ বিশেষকৈ এই সময়চোৱাত অপৰ্যাপ্ত পৰিমাণে থকা কোমল ঘাঁহ খোৱাৰ ফলতে ছাগলীবোৰ আক্ৰান্ত হৈছে এই ৰোগবিধত ৷ অঞ্চলটোত বহুসংখ্যক ছাগলী মৃত্যুমুখত পৰাৰো খবৰ পোৱা গৈছে ৷
ছাগলীৰ ক্ষেত্ৰত দেখা দিয়া একপ্ৰকাৰ মহামাৰী সদৃশ এই ৰোগবিধৰ সংক্ৰমণৰ বাবে বৰাহীবাৰীলৈ আহিছে বৰ্ণিহাট ছাগলী গৱেষণা কেন্দ্ৰ(Goat Research station Byrnihat) ৰ বিশেষজ্ঞ চিকিৎসক ৷
এই চিকিৎসকসকলে এণ্টাৰটক্সমিয়া ৰোগবিধত আক্ৰান্ত ছাগলীবোৰ পৰীক্ষা কৰি প্ৰদান কৰিছে প্ৰতিষেধক ৷ তদুপৰি হায়দৰাবাদৰ বিশেষজ্ঞ চিকিৎসক, যোৰহাট কৃষি বিজ্ঞান কেন্দ্ৰৰ চিকিৎসক আৰু বিজ্ঞানী আহি উপস্থিত হৈছে বৰাহীবাৰীত ৷
লগতে চাওক: ভোগদৈ নদীত উদ্ধাৰ শতাধিক সজীৱ গুলী
