শিৱসাগৰ, 21 এপ্ৰিল : ক'ভিড ১৯ ৰোগৰ সংক্ৰমণৰ প্ৰতি লক্ষ্য ৰাখি অসম চৰকাৰে জাৰি কৰা নিৰ্দেশনা শিৱসাগৰ জিলাৰ প্ৰায়বোৰ প্ৰান্ততে সুচাৰুৰূপে পালন কৰা দেখা গৈছে ৷ যোৱা দিনটোত সন্ধ্যা ৬ বজাৰ লগে লগে অত্যাৱশ্যকীয় সেৱাৰ ব্যৱসায়িক প্ৰতিষ্ঠান সমূহ বাদ দি আন আন সকলো দোকান-পোহাৰ বন্ধ হৈ পৰা পৰিলক্ষিত হয় ।
ইয়াৰ সমান্তৰালভাৱে ক'ভিড সংক্ৰান্তীয় নিৰ্দেশনা জাৰি কৰা পাচতে কঠোৰ হৈ পৰা দেখা গৈছে শিৱসাগৰ জিলা প্ৰশাসন ৷ সন্ধিয়া 6 বজাৰ লগে লগে শিৱসাগৰ নগৰৰ কেন্দ্ৰীয় বজাৰ, ষ্টেচন চাৰিআলি বজাৰৰ লগতে ব্যৱসায়িক প্ৰতিষ্ঠান সমূহ সম্পূৰ্ণ ৰূপে বন্ধ হৈ পৰা দেখা গৈছে ৷
