নাজিৰা, ২৪ আগষ্টঃ শিৱসাগৰ জিলাৰ শিমলুগুৰিত সোমবাৰে নিশা এক চুৰিকাঘাতৰ ঘটনা সংঘটিত হয় ৷ শিমলুগুৰি ৰেল জংচনৰ সন্মুখত মদ্যপান কৰা দুই যুৱকৰ মাজত কাজিয়াৰ সূত্ৰপাত হয় ৷ কাজিয়াৰ ফলত মানস নামৰ এজন যুৱকক ইক্ৰাম আলি নামৰ এজন যুৱকে উপৰ্যুপৰি চুৰিকাঘাত কৰে ৷ চুৰিকাঘাতৰ ফলত গুৰুতৰভাৱে আহত হয় যুৱকজন ৷
শিমলুগুৰি নগৰত চুৰিকাঘাতৰ ঘটনা
ঘটনাস্থলীত শিমলুগুৰি আৰক্ষী উপস্থিত হৈ উদ্ধাৰ কৰে আহত যুৱকজনক ৷ ইতিমধ্যে যুৱকজনক আৰক্ষীয়ে উদ্ধাৰ কৰি নাজিৰা চৰকাৰী সাহাৰ্যপ্ৰাপ্ত চিকিৎসালয়লৈ প্ৰেৰণ কৰে ৷ অত্যাধিক মদ্যপান কৰাৰ ফলতে এই ঘটনা সংঘটিত হোৱাৰ সন্দেহ কৰিছে স্থানীয় লোকে ৷ জানিব পৰা মতে, দুইজন লোক শিমলুগুৰিত ভাড়াতীয়া হিচাপে থাকি দিন হাজিৰা কৰি জীৱন নিৰ্বাহ কৰি আছিল ৷
লগতে পঢ়কঃ লক ডাউনৰ বিৰোধিতাৰে শিলচৰত প্ৰতিবাদ
