শিৱসাগৰ, ২৪ নৱেম্বৰ: ১৫ বছৰ ধৰি অসমৰ মুখ্যমন্ত্ৰী হিচাপে কাৰ্যনিৰ্বাহ কৰা সুদক্ষ ৰাজনৈতিক নেতা তৰুণ গগৈৰ পৰলোক প্ৰাপ্তিয়ে শোকবিহ্বল কৰিছে কংগ্ৰেছৰ নেতা-কৰ্মীক । ৰাজ্যৰ ভিন্ন প্ৰান্তৰ লগতে শিৱসাগৰতো জিলা কংগ্ৰেছৰ তৰফৰ পৰা শেষ শ্ৰদ্ধা নিবেদন কৰা হৈছে প্ৰাক্তন মুখ্যমন্ত্ৰীগৰাকীলৈ । মঙলবাৰে শিৱসাগৰৰ ৰাজীৱ ভৱনত শ্ৰদ্ধাঞ্জলি অনুষ্ঠানৰ আয়োজন কৰা হয় ।
শিৱসাগৰ জিলা কংগ্ৰেছৰ নেতা-কৰ্মীসকলে প্ৰয়াত মুখ্যমন্ত্ৰীগৰাকীৰ প্ৰতিচ্ছবিত মাল্যাৰ্পণ কৰি নেতাগৰাকীক প্ৰণাম জনায় । তৰুণ গগৈৰ মৃত্যু যে কেৱল কংগ্ৰেছ দলৰ বাবে নহয়, সমগ্ৰ ৰাজ্যখনৰ বাবে এক ডাঙৰ ক্ষতি বুলি মন্তব্য কৰে জিলা কংগ্ৰেছৰ উপ সভাপতি প্ৰমীৰ গগৈয়ে ।
লগতে পঢ়ক:প্ৰমোদ বড়ো আৰু ইউ জি ব্ৰহ্মৰ শোকপ্ৰকাশ
