আমগুৰি, 3 জানুৱাৰী: আমগুৰিৰ 794 নং কিষ্টুৰ চান্দ আগৰৱালা আমগুৰি নগৰ প্ৰাথমিক বিদ্যালয়ত নামভৰ্তিৰ বাবে দেখিবলৈ পোৱা গৈছে অভিভাৱক-শিক্ষাৰ্থীৰ ভিৰ ৷ প্ৰাপ্ত তথ্য অনুসৰি শিক্ষক-ছাত্ৰ আৰু অভিভাৱকৰ মাজৰ এক মধুৰ সম্পৰ্ক বজাই ৰাখে কিষ্টুৰ চান্দ আগৰৱালা আমগুৰি নগৰ প্ৰাথমিক বিদ্যালয়ৰ শিক্ষকসকলে ৷ ইয়াৰোপৰি পৰিস্কাৰ-পৰিচ্ছন্ন বিদ্যালয়খনৰ শিক্ষাদানৰ ধৰণো সুকীয়া ৷ অতি মৰমেৰে খেল-ধেমালি, নৃত্য-গীতৰ মাধ্যমেৰে পাঠদান কৰা বিদ্যালয়খনৰ ছাত্ৰ-ছাত্ৰীসকল বিভিন্ন ক্ষেত্ৰত আগবঢ়াও ৷ প্ৰাচীৰ পত্ৰিকাৰ ব্যৱস্থা কৰি ছাত্ৰ-ছাত্ৰীসকলৰ কলাসুলভ মনক আত্মপ্ৰকাশ কৰাৰ সুবিধা প্ৰদান কৰে বিদ্যালয় কৰ্তৃপক্ষই ৷ উল্লেখ্য যে, কেইদিনমানৰ পূৰ্বে শিৱসাগৰ জিলাৰে আন এখন বিদ্যালয়তো দেখিবলৈ পোৱা গৈছিল নামভৰ্তিৰ বাবে ছাত্ৰ-ছাত্ৰী তথা অভিভাৱকৰ ব্যাপক ভিৰ ৷
ৰাজ্যজুৰি শিক্ষা ব্যৱস্থাত বিৰাজ কৰা কেতবোৰ বিৰূপ প্ৰভাৱৰ বিপৰীতে, আমগুৰিৰ এখন চৰকাৰী বিদ্যালয়ত নামভৰ্তিৰ বাবে অহা ছাত্ৰ-ছাত্ৰীৰ সংখ্যাই শিক্ষা ক্ষেত্ৰ খনত এক নতুন আশাৰ বতৰা কঢ়িয়াই আনিছে ৷
লগতে পঢ়ক: প্ৰকৃতিৰ নৈসৰ্গিক সৌন্দৰ্যই উদ্ভাসিত কৰিছে নুমলীগড়ৰ কালীয়নী নৈৰ পাৰ
