শিৱসাগৰ,15 নবেম্বৰ : শিৱসাগৰৰ ডিমৌমুখত ভয়ংকৰ ঘটনা । নিজৰ সন্তানক বলি দিবলৈ সাজু কৰাৰ অভিযোগ উঠিছে পিতৃৰ বিৰুদ্ধে ৷ ৰাইজে উদ্ধাৰ কৰিছে ৫ টা দেৱ শিশু উদ্ধাৰ কৰা হৈছে ৷ কালী পূজাৰ নিশা ১২ বজাত বলি দিবৰ বাবে সাজু কৰি থোৱা বুলি সন্দেহ ওচৰ চুবুৰীয়াৰ ৷ ৰাইজৰ তৎপৰতাত শিশু কেইটাৰ প্ৰাণ ৰক্ষা পৰে ৷ ঘটনা সন্দৰ্ভত ৰাইজে আটক কৰি আৰক্ষীক গতালে মহিলাসহ ৩ টা গৰাকীক ৷ অভিযুক্ত জমিউল হুছেইন ,চৰিফুল হুছেইন ,আয়েছা বেগম । ইয়াৰে জমিউল আৰু চৰিফুল সম্পৰ্কত ককাই-ভাই ।
শিৱসাগৰৰ বামবাৰী অঞ্চলৰ গাত কালী লম্ভা বুলি দাবী কৰা এগৰাকী মহিলা আৰু মৰাণৰ এটা বেজৰ নিৰ্দেশতেই কালী পূজাৰ নিশা ১২ বজাত বলি দিয়াৰ বাবে সাজু কৰা হৈছিল থোৱা ৫ টাকৈ দেৱ শিশুক । অঞ্চলটোৰ সচেতন ৰাইজে উদ্ধাৰ কৰিবলৈ সক্ষম হোৱাৰ ঘটনাই সমগ্ৰ শিৱসাগৰতেই সৃষ্টি কৰিছে তীব্ৰ চাঞ্চল্যৰ ৷ মাটিৰ তলৰ ধন সোণ লাভৰ লগতে পৰিয়ালটোৰ অপায়-অমংগল দূৰ কৰাৰ বাবেই বেজ আৰু ছদ্মৱেশী কালী মাই দিছিল নৰবলিৰ এই নিৰ্দেশ ৷ সেই অনুসৰিয়েই অন্ধ বিশ্বাসী হৈ অভিযুক্তই নিজ সন্তানক বলিৰ বাবে সাজু কৰিছিল বুলি সন্দেহ কৰিছে স্থানীয় ৰাইজে ।
লগতে পঢ়ক : ৰঙাপৰাত সমুখ সমৰত হাতী-মানুহ
