নলবাৰী, ১৭ ফেব্ৰুৱাৰী: নিৰ্বাচনৰ পূৰ্বে উন্নয়নমূলক কামৰ শুভাৰম্ভণি নলবাৰীৰ বিধায়ক অশোক শৰ্মাৰ । নলবাৰী সমষ্টিৰ অন্তৰ্গত গুৱাকুছি গাঁৱত গুৱাকুছি সত্ৰত অসম দৰ্শন আঁচনিৰ জৰিয়তে নিৰ্মাণ হ'বলগীয়া নামঘৰৰ বুধবাৰে শুভাৰম্ভ কৰে নলবাৰী সমষ্টিৰ বিধায়ক অশোক শৰ্মাই । উল্লেখযোগ্য যে, সভাঘৰৰ শুভাৰম্ভ কৰাৰ পূৰ্বে বিধায়ক গৰাকীক গামোচা, ফুলৰ থোপাৰে সম্বৰ্ধনা জ্ঞাপন কৰে ।
ইফালে, নলবাৰী সমষ্টিত অসম দৰ্শন আঁচনিৰ অধীনত ৮০ টা নামঘৰলৈ দুই লাখ পঞ্চাছ হাজাৰ টকাৰ অনুদান আগবঢ়াইছে । লগতে অসমৰ মুখ্যমন্ত্ৰী সৰ্বানন্দ সোণোৱালক বিধায়ক অশোক শৰ্মাই এইসমূহ উন্নয়নমূলক কামৰ বাবে ধন্যবাদ জনাই । এই অনুষ্ঠানত উপস্থিত থাকে ৩ নং খাটা গাওঁ পঞ্চায়তৰ সভানেত্ৰী ৰুক্মিণী কলিতা, আঞ্চলিক সদস্য হিৰণ্য বৰ্মণকে ধৰি স্থানীয় ৰাইজ আৰু দলীয় কৰ্ম-কৰ্তাসকল ।
