মঙলবাৰে নলবাৰীত ২১৯ গৰাকী লোক কৰ'ণাত আক্ৰান্ত

নলবাৰীত ক্ৰমান্বয়ে কৰ’ণা সংক্ৰান্তীয় পৰিস্থিতি অধিক ভয়ংকৰ হৈ পৰিছে । প্ৰতিদিনে নলবাৰীত বৃদ্ধি পাইছে কৰ'ণাত আক্ৰান্তৰ সংখ্যা । মঙলবাৰৰ দিনটোত ২১৯ গৰাকী লোকৰ দেহত কৰ'ণাৰ অৱস্থিতি ধৰা পৰে । ফলত মুঠ আক্ৰান্তৰ সংখ্যা ২৬৯৪ গৰাকীলৈ বৃদ্ধি পাইছে জিলাখনত ।

নলবাৰী, 12 মে': সমগ্ৰ দেশৰ লগতে অসমতো মহামাৰী কৰ'ণা ভাইৰাছৰ দ্বিতীয় ঢৌৰ বিভীষিকা অব্যাহত আছে । ৰাজ্যৰ ভিতৰতে শীৰ্ষ চাৰি নম্বৰ স্থানত থকা জিলা নলবাৰীতো কৰ'ণাৰ সংক্ৰমণ তীব্ৰ গতিত বৃদ্ধি পাইছে । কৰ'ণাৰ দ্বিতীয় ঢৌত জিলাখনত মংগলবাৰৰ দিনটোত ২১৯ গৰাকী লোক নতুনকৈ আক্ৰান্ত হয় । ফলত মুঠ আক্ৰান্তৰ সংখ্যা ২৬৯৪ গৰাকীলৈ বৃদ্ধি পাইছে ।

ইয়াৰে নতুনকৈ আক্ৰান্তসকলৰ ভিতৰত ৰেপিড টেষ্টত (RAPID) ২০০ গৰাকী আৰু আৰ টি পি চি আৰ (RTPCR) ত ১৯ গৰাকী লোকৰ দেহত কৰ'ণাৰ অৱস্থিতি ধৰা পৰে । মঙলবাৰৰ পৰ্যন্ত জিলাখনত ১৮৬১ টা ঘটনা সক্ৰিয় হৈ আছে । ইফালে, হোম আইছলেশ্যনত আছে ১৬৩৩ গৰাকী ।

মংগলবাৰে নলবাৰীত ২১৯ গৰাকী কৰ'ণাত আক্ৰান্ত

আক্ৰান্তসকলৰ ভিতৰত নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত ৯৬ গৰাকী, বেলশৰ মডেল হাস্পতালত ৩০ গৰাকী, মাখিবাহা আদৰ্শ হাস্পতালত ৩৫ গৰাকী আৰু মহাত্মা গান্ধী মডেল হাস্পতালত ৭ গৰাকী ক'ভিড ৰোগী চিকিৎসাধীন হৈ আছে । তদুপৰি, গুৱাহাটী মেডিকেল কলেজ হাস্পতাল, মহেন্দ্ৰ মোহন চৌধুৰী হাস্পতাল আৰু কালাপাহাৰ ক'ভিড চিকিৎসালয়লৈ ৬০ গৰাকীক উন্নত চিকিৎসাৰ বাবে প্ৰেৰণ কৰাৰ কথা উল্লেখ কৰা হৈছে জিলা স্বাস্থ্য বিভাগৰ তথ্যত ।

লগতে পঢ়ক: মৰাণত মঙলবাৰে 107 গৰাকী লোক কৰ’ণাত আক্ৰান্ত