নলবাৰী, 29 ছেপ্তেম্বৰ : গৰুখুঁটি কাণ্ড(Gorukhuti Incident) সন্দৰ্ভত মঙলবাৰে নলবাৰীত উপস্থিত হৈ প্ৰতিক্ৰিয়া ব্যক্ত কৰে সাংসদ নৱ শৰণীয়া(Naba Sarania) আৰু সাংসদ আব্দুল খালেক(Abdul Khalek)য়ে ৷ গৰুখুঁটি কাণ্ডৰ পুনৰাবৃত্তি হ’ব নালাগে ৷ গৰুখুঁটিৰ উচ্ছেদিত পৰিয়ালে ক্ষতিপূৰণ পোৱাতো অতি জৰুৰী । বিটিআৰ(BTR)তো এনেধৰণৰ বেদখলৰ সমস্যা ৷ সংবাদ মাধ্যমৰ আগত এনেদৰে প্ৰতিক্ৰিয়া ব্যক্ত কৰে সাংসদ শৰণীয়াই ৷
আনহাতে, সাংসদ আব্দুল খালেকে কয় যে, 23 গৰাকী আৰক্ষীয়ে মিলি এজন লোকক হত্যা কৰাতো মানৱতাৰ বিৰোধী । একেদৰে উচ্ছেদিত লোকক উপযুক্ত সংস্থাপন আৰু ক্ষতিপূৰণ দিয়াতো চৰকাৰৰ দায়িত্ব । বিদেশীৰ ঠিকনা স্বদেশী কেতিয়াও হ’ব নোৱাৰে বুলি মন্তব্য কৰে সাংসদগৰাকীয়ে ৷
লগতে তেওঁ কয় যে, উচ্ছেদিত লোকসকল যদি বিদেশী হয় তেন্তে উচ্ছেদ কৰাৰ পাচত সেই লোকসকল ক’লৈ গ’ল, সেই তথ্য চৰকাৰে ৰাজহুৱা কৰিব লাগে । গৰুখুঁটিৰ পৰা উচ্ছেদ কৰা লোকসকলৰ ঠিকনা অন্য ৰাজ্যত ঠাইত হ’ব নোৱাৰে । বল প্ৰয়োগ কৰি নহয়, এক আলোচনা আৰু বুজাবুজিৰ মাজেৰে কৰা উচ্ছেদ কৰিবলৈ চৰকাৰক আহ্বান জনায় সাংসদ আব্দুল খালেকে ৷
লগতে পঢ়ক : প্ৰাপ্য বিচাৰি শিলচৰ মেডিকেল কলেজ হাস্পতালত সুৰক্ষা কৰ্মীৰ প্ৰতিবাদ
