নলবাৰী,12 মে’: নলবাৰীত মঙলবাৰে উপস্থিত হৈ এক সংবাদমেল সম্বোধন কৰে অসম পৰ্যটন নিগমৰ অধ্যক্ষ জয়ন্তমল্ল বৰুৱাই ৷ সংবাদমেলত প্ৰধানমন্ত্ৰীৰ কৃষক সন্মান নিধিত সংঘটিত কেলেংকাৰী সন্দৰ্ভত গুৰুত্বপূৰ্ণ মন্তব্য কৰে ৷ জিলাখনত প্ৰায় 1,23,426 গৰাকী লোকে কৃষক সন্মান নিধিৰ হিতাধিকাৰীৰ তালিকাত স্থান লাভ কৰিছে ৷ প্ৰকৃততে কৃষি বিভাগত 99,619 গৰাকী কৃষকৰ নাম অন্তৰ্ভুক্ত আছে । এই তালিকাত 23,807 গৰাকী ভুৱা কৃষক অনিয়মেৰে অন্তৰ্ভুক্ত হৈছে বুলি বৰুৱাই ব্যক্ত কৰে । অৱশ্যে তালিকাভুক্ত লোকসকলৰ 87,583 গৰাকীয়েহে আঁচনিৰ ধন লাভ কৰিবলৈ সক্ষম হৈছে ৷ ইপিনে একাংশই অবৈধভাৱে তালিকাভুক্ত হৈ লাভ কৰা 10,58,500 টকা ঘূৰাই দিয়ে চৰকাৰক ।
ইফালে,বিশেষকৈ সংখ্যালঘু সম্প্ৰদায়ৰ লোক নথকা গাঁৱত কেনেকৈ সম্প্ৰদায়টোৰ লোকসকলৰ নাম সোমাল বুলি সাংবাদিকে কৰা প্ৰশ্নৰ উত্তৰত বৰুৱাই এয়া এক ডাঙৰ বিসংগতি বুলি উল্লেখ কৰে । ভিএলডব্লিউ আৰু কম্পিউটাৰ অপাৰেটৰসকলৰ বাবে এই বিসংগতি সংঘটিত হোৱাৰ লগতে সম্প্ৰতি বিষয়টোত নজৰ ৰখা হৈছে ৷
উল্লেখ্য় যে, লক্ ডাউনৰ সময়ছোৱাত নলবাৰী জিলা বিজেপিৰ কৰ্মকৰ্তাসকলে প্ৰায় 2 লাখ 5 হাজাৰ পৰিয়ালক সহায় কৰিবলৈ সক্ষম হোৱা বুলি মন্তব্য প্ৰকাশ কৰে পৰ্যটন নিগমৰ অধ্যক্ষ গৰাকীয়ে ৷
লগতে চাওকঃ এগৰাকী অকলশৰীয়া মহিলাৰ কৰুণ কাহিনী...
