নলবাৰী, 30 আগষ্ট: নলবাৰীৰ বিল্বেশ্বৰ দেৱালয়ত দেওবাৰে আশীৰ্বাদ গ্ৰহণ কৰে শেহতীয়াকৈ কংগ্ৰেছ দলত যোগদান কৰা গায়ক বাবু, নেকিব আৰু অজয় ফুকনে ৷ এই কাৰ্যসূচীত তিনিওকে লগ দিয়ে অসম প্ৰদেশ কংগ্ৰেছৰ সম্পাদক দিগন্ত ভূষণ বৰ্মনে ৷ নলবাৰীৰ বিল্বেশ্বৰ দেৱালয়ত উপস্থিত হৈয়ে সম্পাদকগৰাকীৰ মন্তব্য ধৰ্মপুৰৰ পৰা এইবাৰ বিদায় হ’ব চন্দ্ৰমোহন পাটোৱাৰীক ৷
ইপিনে শিল্পীসমাজ ৰাজনীতিত অহা বাবে একাংশই দুখ পাইছে সঁচা, কিন্তু জাতিৰ স্বাৰ্থতে আমি কংগ্ৰেছ দললৈ আহিছো বুলি মন্তব্য কৰে কন্ঠশিল্পী বাবু বৰুৱাই ৷ লগতে কংগ্ৰেছত যোৱাটো আমাৰ ভুল নহয় ৷ কা বিৰোধ কৰা শিল্পী সকল কংগ্ৰেছত যোগদান কৰাটো ভুল হোৱা নাই ৷ আমি ৰাইজৰ কাৰণে ওলাই আহিছো ৷ ৰাইজে আমাক বিশ্বাস কৰে বুলিও সংবাদ মাধ্যমৰ আগত ব্যক্ত কৰে বাবুয়ে ৷
আনহাতে আগন্তুক দিনত ভাল কাম কৰি যোৱাৰ লগতে অসমৰ যি বৰ্তমানৰ সমস্যা আছে তাৰ হকে মাত মাতিব পাৰে তাৰ বাবে ভগৱানৰ আশীৰ্বাদ লোৱা বুলি উল্লেখ কৰে অজয় ফুকনে ৷ লগতে কোনোবাই আমাক সুবিধাবাদী আখ্যা দিব পাৰে কিন্তু আমি ৰাইজৰ প্ৰতি সদায় দায়বদ্ধ আৰু জাতি উদ্ধাৰৰ বাবেই কংগ্ৰেছত যোগদান কৰা বুলি মন্তব্য আগবঢ়াই ফুকনে ৷
জুবিন গাৰ্গৰ ফুটবল দল সন্দৰ্ভতো অজয়ে কয়, আজিৰ পৰা আঠ মাহ আগতে আমি ফুটবল নেখেলাৰ সিদ্ধান্ত লৈছিলো ৷ কাৰণ জুবিন দা অসুস্থ হৈ পৰিছিল ৷ কিন্তু খেলক লৈ আমি ৰাজনীতি কৰা নাই আৰু নকৰো ৷ আনহাতে আটাইকেইগৰাকীয়ে দেওবাৰে প্ৰয়াত ভ্ৰাম্যমানৰ অভিনেতা জীৱেশ্বৰ ডেকাৰ বাসভৱনত গৈ পৰিয়ালৰটোৰ খবৰ লয় ৷
লগতে চাওক-ৰাজ্যত হালাল কৰা মাংসৰ বিক্ৰী বন্ধ কৰাৰ দাবী সত্যৰঞ্জন বৰাৰ
