নলবাৰী,২৯ এপ্ৰিল: নলবাৰীত সংঘটিত হৈছে এক চাঞ্চল্যকৰ ঘটনা । এগৰাকী ছাত্ৰীক এজন যুৱকে অশ্লীল প্ৰস্তাৱ দিয়াৰ পাচতে সৃষ্টি হয় অপ্ৰীতিকৰ পৰিৱেশৰ । ঘটনা অনুসৰি, নলবাৰী জিলাৰ বৰক্ষেত্ৰীৰ বৰৱালাৰ এখন ব্যক্তিগত বিদ্যালয়ৰ অষ্টম শ্ৰেণীৰ ছাত্ৰীক অশ্লীল প্ৰস্তাৱ দিছিল কুটনিকুছিৰ এজন যুৱকে (Indecent proposal to girl) । ঈদ উপলক্ষে বিদ্যালয়খনত অনুষ্ঠিত খেল-ধেমালি প্ৰতিযোগিতা চলি থকা সময়ত বাহিৰৰ পৰা ফুৰিবলৈ অহা এজন যুৱকে বৰবালাৰ জ্ঞান বিকাশ একাডেমীৰ অষ্টম শ্ৰেণীৰ ছাত্ৰীগৰাকীক দিছিল অশ্লীল প্ৰস্তাৱ (Agitated over indecent proposal to girl in Nalbari) ।
কিন্তু ছাত্ৰীগৰাকীয়ে প্ৰস্তাৱ মানি নোলোৱাত হাতত ধৰি টানি নিয়াৰ লগতে শাৰিৰীকভাৱে অপদস্থ কৰাৰ চেষ্টা চলোৱাৰ সময়তে বিদ্যালয়খনৰ ছাত্ৰসকলে যুৱকজনক আটক কৰি বিদ্যালয় পৰিচালনা সমিতিৰ হাতত গতায় দিয়ে (Attempt to humiliate a student) । পৰৱৰ্তী সময়ত যুৱকজনৰ অভিভাৱকক খৱৰ দিয়াত যুৱকজনৰ পৰিয়ালে গুন্দা বাহিনীৰ এটা দল লৈ আহি জ্ঞান বিকাশ একাডেমীৰ প্ৰধান শিক্ষক ৰফিকুল ইছলামক শাৰিৰীকভাৱে অপদস্থ কৰাৰ লগতে ছাত্ৰীগৰাকীৰ ভিনিহিয়েকক চোকা অস্ত্ৰৰে মূৰত আঘাত কৰে লালমিয়া আলী নামৰ যুৱকজনে ।
ঘটনা সন্দৰ্ভত শিয়ালমাৰী আৰক্ষী থানাত এজাহাৰ দাখিল হোৱাৰ পিচতে গুণ্ডাবাহিনীৰ দলটোৰ লগতে মডেল একাডেমী নামৰ আন এখন বিদ্যালয়ৰ প্ৰধান শিক্ষক আমিনুল হক আৰু সহকাৰী শিক্ষক মফিজ উদ্দিনৰ নাম সাঙোৰ খাই পৰে । ফলত শিক্ষক দুগৰাকীৰ ওপৰতো এজাহাৰ দাখিল কৰে জ্ঞান বিকাশ একাডেমীৰ প্ৰধান শিক্ষক ৰফিকুল ইছলামে (Clash in Nalbari) ।
শিক্ষক দুগৰাকীৰ বিৰুদ্ধে জ্ঞান বিকাশ একাডেমীৰ প্ৰধান শিক্ষকৰ বিৰুদ্ধে বিভিন্ন ভিত্তিহীন অভিযোগ উত্থাপন কৰাৰ অভিযোগ পৰিচালনা সমিতিৰ সম্পাদক, শিক্ষক তথা ছাত্ৰ-ছাত্ৰীসকলৰ । জ্ঞান বিকাশ একাডেমীখনৰ বদনাম কৰাৰ বাবে বিভিন্ন ষড়যন্ত্ৰত লিপ্ত হোৱাৰ অভিযোগ উত্থাপন কৰিছে মডেল একাডেমীৰ শিক্ষক তথা বিষয়ববীয়াৰ বিৰুদ্ধে । পিছে আৰক্ষীৰ তদন্তহে পোহৰলৈ আহিব সমগ্ৰ ঘটনাৰ আচল ৰহস্য ।
লগতে পঢ়ক: Road accident in Dhemaji: ধেমাজিৰ চিৰিপানীত ভয়ংকৰ পথ দুঘটনাত নিহত দুই
